Musa Quliyev: "İnsanlara sonsuzluğa qədər yardım verib onları ələbaxımlı etmək olmaz"

Vüqar Bayramov: "Yoxsul ailələrə birdəfəlik yardımların göstərilməsi ilk baxışdan müsbət addımdır"

Azərbaycanda yoxsulluğun səviyyəsini aşağı salmaq istiqamətində bir sıra layihələr həyata keçirilir. Əhalinin həyat şəraitini yaxşılaşdırmaq üçün reallaşdırılan belə tədbirlərdən biri də ünvanlı sosial yardımların verilməsi idi. Lakin həmin yardımların verilməsində bir sıra problem yaşandı. Hətta 2008-ci ildə qanunvericiliyə edilən dəyişikliklər də ünvanlı sosial yardımın verilməsindəki neqativ halları aradan qaldırmağa kömək etmədi.

Azərbaycan Respublikasının Prezidenti İlham Əliyev fevralın 15-də "Mir" Dövlətlərarası Teleradio Şirkətinə müsahibə vermişdir.

Müsahibədə dövlətimizin başçısı Ermənistan-Azərbaycan, Dağlıq Qarabağ münaqişəsi, Azərbaycanın sürətli iqtisadi inkişafı, MDB məkanında əməkdaşlıq, Azərbaycanın həyata keçirdiyi xarici siyasət və digər məsələlərlə bağlı suallara cavab vermişdir. Həmin müsahibədən bəzi məqamları oxucularımızın diqqətinə çatdırırıq.

Fevralın 17-də "Gülüstan" sarayında Azərbaycan Respublikası Gənclər Təşkilatları Milli Şurasının (ARGTMŞ) yaranmasının 15 illik yubileyi münasibətilə təntənəli tədbir keçirilmişdir.

Mərasim dövlət himninin səsləndirilməsi ilə açıq elan edilmiş, şuranın tarixi və fəaliyyətini əks etdirən film nümayiş olunmuşdur.
ARGTMŞ-nin sədri, Milli Məclisin deputatı Fuad Muradov çıxış edərək bildirmişdir ki, qurumun 15 illik fəaliyyətinin Azərbaycan cəmiyyətində xüsusi rolu vardır. Bu gün şuranın həyata keçirdiyi layihələr, proqramlar əsasən gənclərə və cəmiyyətdə onları narahat edən məsələlərin həllinə yönəlmişdir.

Natiq Qasımov: “Şəffaflığın təmin olunması üçün sərt addımlar atılacaq”

Əmək və Əhalinin Sosial Müdafiəsi Nazirliyi (ƏƏSMN) ünvanlı sosial yardımların verilməsi mexanizmini daha da sadələşdirmək niyyətindədir. Nazirlik ünvanlı yardımların verilməsində bürokratik əngəllərin yaranmasına səbəb olan və vətəndaşların haqlı narazılığına şərait yaradan halları aradan qaldırmaq üçün yeni təkliflər hazırlayır.

Dekabrın 1-də Konstitusiya Məhkəməsinin Plenumu "Əmək pensiyaları haqqında" qanunun 8.1 və 8.3-cü maddələrinin konstitusiyaya uyğunluğunun yoxlanılmasına dair qərar qəbul etmişdir.

Qərarda yazılır ki, Qanunun 8.1-ci maddəsinə görə, beş və daha çox uşaq doğub onları səkkiz yaşınadək tərbiyə etmiş və azı 10 il sığorta stajı olan qadınların bu Qanunun 7-ci maddəsinə uyğun olaraq müəyyən olunmuş yaş həddi hər uşağa görə 1 il azaldılmaqla yaşa görə əmək pensiyası hüququ vardır.
Qeyd olunan normanın məzmunundan göründüyü kimi, qanunverici həmin qadınların güzəştli şərtlərlə əmək pensiyası hüququnun yaranması üçün üç şərt müəyyən etmişdir: beş və daha çox uşaq doğmaq, həmin uşaqları səkkiz yaşınadək tərbiyə etmək və azı 10 il sığorta stajının olması.

Son illər Azərbaycanda mülkiyyət üstündə törədilən cinayətlərin sayı artmaqdadır.

Özü də bu cür cinayətlər çox vaxt bir-birinə yaxın insanlar tərəfindən törədilir. Mülk üstündə qardaş-qardaşın, oğul-atanın, ananın həyatına son qoyur. Maraqlıdır ki, son illər ölkə məhkəmələrində də mülki işlərin sayı artmaqdadır. Amma çox vaxt məhkəmə qərarlarından da narazı olan qohumlar sonda problemi silahla həll edir. Mülkiyyətlə bağlı problemlərin artması hansı səbəblərlə bağlıdır?

Azərbaycan xalqı min illərlə ölçülən tarixini çiyinləri üstündə Allah dərgahına yola saldığı şəhidlərinin çiyinləri üstündə keçmişdir.

Xalqımız mənəvi, maddi dəyərlərimiz uğrunda qanını, canını halal edən oğul və qızlarının qəhrəmanlığı sayəsində yaşamaq haqqı qazanmışdır. Bu gün doğmalarının-valideynlərinin, övladlarının ürəyində dağa, gözlərində qurumaq bilməyən yaşa çevrilmiş 20 Yanvar şəhidləri ən son tariximizin gələcəyə bəxş etdiyi qəhrəmanlarımızdandırlar.

"İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında" (11 may 2010-cu il) qanunla bağlı redaksiyamıza xeyli sayda sorğu məktubu daxil olmuşdur.

"Ülfət"in hüquqşünası Azər Quliyevin məktublarda qoyulmuş suallar əsasında qanuna verdiyi şərhi oxucularımıza təqdim edirik.

Azərbaycan Respublikasının Əmək Məcəlləsinin tələblərinə uyğun olaraq 2011-ci il üçün işçilərin iş vaxtı normasının düzgün hesablanması və tətbiq edilməsi məqsədi ilə Əmək və Əhalinin Sosial Müdafiəsi Nazirliyi aşağıdakıları bildirir:

Azərbaycan Respublikasının Əmək Məcəlləsinə və Nazirlər Kabinetinin "2011-ci ildə Novruz, Ramazan, Qurban bayramları və bayram günləri ilə əlaqədar iş günləri hesab olunmayan istirahət günləri haqqında" 3 dekabr 2010-cu il tarixli 230 nömrəli qərarına əsasən, 2011-ci ildə aşağıdakı günlər iş günü hesab edilmir.

Yolçu Xanvəli: "Həmin yerlərdə satılan istər diri, istərsə də kəsilmiş quş əti baytar nəzarətindən keçirilir"

Ölkə ərazisində quş qripi xəstəliyinə yoluxmanın qarşısının alınması üçün bir sıra tədbirlər keçirilir. Kənd Təsərrüfatı Nazirliyi yanında Dövlət Baytarlıq Xidməti profilaktik tədbirlər kimi bazarlarda, bazarətrafı ərazilərdə, yol kənarında diri ev və vəhşi quşların satışını qadağan edib. Amma həftə sonları təşkil olunan kənd təsərrüfatı yarmarkalarında həm kəsilmiş quş əti, həm də diri quş satılır. Həmçinin kənd təsərrüfatı yarmarkalarının keçirildiyi yerlərin yaxınlığında da quş əti satışı aparılır. Maraqlıdır, həmin ərazilərdə satılan quş ətinin sağlamlığına zəmanət verilirmi?

Dekabrın 7-də Bakıda keçirilən "Azərbaycanda miqrasiya siyasətinin həyata keçirilməsi: əldə olunan nailiyyətlər və inkişaf perspektivləri" mövzusunda seminar çərçivəsində Azərbaycan Həmkarlar İttifaqları Konfederasiyası (AHİK) ilə Gürcüstan Həmkarlar İttifaqları Birliyi (GHİB) arasında Anlaşma Memorandumu imzalanmışdır.
Tədbirdə Beynəlxalq Əmək Təşkilatının (BƏT), AHİK-in, GHİB-in, Azərbaycan Əmək və Əhalinin Sosial Müdafiəsi Nazirliyinin (ƏƏSMN), Dövlət Miqrasiya Xidmətinin (DMX) və Azərbaycan Respublikası Sahibkarlar (İşəgötürənlər) Təşkilatları Konfederasiyasının (ASK) nümayəndələri iştirak etmişlər.
Seminar iştirakçılarını salamlayan AHİK sədri, Milli Məclisin deputatı S.Mehbalıyev bildirmişdir ki, bu tədbir BƏT-in "Rusiya Federasiyasında işçi miqrantların müdafiəsinin gücləndirilməsi və Cənubi Qafqaz ölkələrində miqrasiyanın inkişaf təsirlərinin artırılması (2010-2011)" layihəsi çərçivəsində təşkil edilmişdir.

Məlum olduğu kimi, noyabrın 23-də Bakıda Ümum Həmkarlar İttifaqları Konfederasiyası İcraiyyə Komitəsinin növbəti iclası keçirilmişdi.

İclas barədə informasiya və bəzi çıxışlar ötən sayımızda dərc olunmuşdu. Bu sayımızda Hİ fəalları üçün maraqlı olacağını nəzərə alaraq ÜHİK baş katibinin müavini Valeriy Yuryevin “Müstəqil Dövlətlər Birliyi iştirakçısı ölkələrində əməyin mühafizəsinin vəziyyəti barədə” çıxışını ixtisarla oxucularımızın diqqətinə çatdırırıq.

Mireldar Babayev:
"Leykemiyanın yaranmasında xarici amillərlə yanaşı, irsiyyətin də müəyyən rolu var"

Bu gün dünyada qan xərçənginə tutulmuş körpə uşaqların sayı durmadan artır. Dünyanın 110-dan çox ölkəsində hökumət və cəmiyyət qan xərçəngi ilə üz-üzə qalan uşaqlara yardım göstərir. Tibbi və maddi yardım alan uşaqların isə təxminən 95 faizi tam sağalır. Azərbaycanda bu xəstəliyə düçar olanların isə hələ də rəsmi statistikası aparılmır. Bu xəstəliyin ölkəmizdə nə dərəcədə müalicə olunması ilə bağlı birmənalı fikir yoxdur. Leykoz xəstəliyi ilə bağlı suallara Hematologiya və Transfiziologiya İnstitutunun uşaq şöbəsinin rəhbəri, tibb elmləri doktoru Mireldar Babayevlə söhbətimizdə aydınlıq gətirməyə çalışdıq.

Vahid Əhmədov: "Aidiyyəti dövlət qurumları istehlak bazarı üzərində nəzarət tədbirlərini gücləndirməlidirlər"

Dünəndən etibarən paytaxtda çörəyin qiyməti bahalaşıb. Artıq şəhərin bir çox məkanlarında yerləşən mağaza və dükanlarda 30 qəpiklik zavod çörəyi 40 qəpiyə satılır. Satıcılarla söhbətimiz zamanı məlum oldu ki, onlara hazırda çörək sexləri tərəfindən çörəyin biri 33 qəpikdən təklif olunur. Onlar da müəyyən qazanc əldə etmək üçün əvvəlki qiymətləri 40 qəpik səviyyəsinə qaldırıblar.

Əmlak Məsələləri Dövlət Komitəsi 70 uşaq bağçası və körpələr evində monitorinq aparıb

Əmlak Məsələləri Dövlət Komitəsi özəlləşdirilmədən sonra alqı-satqı müqaviləsinin şərtlərinə əməl olunması və fəaliyyətində öz profilinin saxlanılması ilə bağlı 70 uşaq bağçası və körpələr evində monitorinq aparıb. Monitorinqin nəticələri zamanı bir sıra uşaq bağçası və körpələr evində qanunamüvafiq işlərin görülməsi halları təsdiq olunsa da, neqativ hallara da rast gəlinib. Daha doğrusu, özəlləşdirilmiş məktəbəqədər təhsil müəssisələrinin bir çoxunda müqavilə şərtlərinə əməl olunmadığı, onların fəaliyyətində öz profilini saxlamadığı halları üzə çıxıb. Komitənin Dövlət Müəssisələri və Əmlakın İdarəedilməsi Şöbəsinin müdiri Elçin Rzayevin fikrincə, bununla bağlı araşdırmalar davam edir və qanunvericiliyin tələblərinin pozulması ilə bağlı müvafiq tədbirlər görüləcək.

Elnur Kələntərli: "Sənəd verənlərin 85 faizindən çoxu ünvanlı sosial yardım alır"

Azərbaycanda yoxsulluğun səviyyəsini aşağı salmaq istiqamətində bir sıra layihələr həyata keçirilir. Əhalinin həyat şəraitini yaxşılaşdırmaq üçün reallaşdırılan belə tədbirlərdən biri də ünvanlı sosial yardımların verilməsi idi. Lakin bu gün həmin yardımlardan həqiqətən ehtiyacı olan şəxslərin yararlanmasını birmənalı deyə bilmərik. Ötən illərin təcrübəsi göstərdi ki, bu yardım bəzən kimlər üçünsə əsas gəlir mənbəyinə çevrilib. Ekspertlər hesab edirlər ki, hətta 2008-ci ildə qanunvericiliyə edilən dəyişikliklər də ünvanlı sosial yardımın verilməsindəki neqativ halları aradan qaldırmağa kömək etməyib. Belə ki, ünvanlı sosial yardımın verilmə müddətinin 6 aydan bir ilədək uzadılması və digər dəyişikliklər əslində heç nəyi dəyişməyib. Əgər əvvəllər ünvanlı sosial yardım üçün nəzərdə tutulan kartlar sosial müdafiə mərkəzlərinin əməkdaşları tərəfindən müxtəlif formada 3-4 ay saxlanılırdısa, hazırda bu müddət 5-6 aya qədər uzanır. Sadalanan və digər problemlərin aradan qaldırılması üçün nə kimi tədbirlər görüləcək?