Ekspertlər böhrandan sonra dövlətlərin iqtisadiyyata müdaxiləsinin artacağını proqnozlaşdıracaqlar

Dünyada hökm sürən qlobal maliyyə böhranı ilə əlaqədar olaraq dünyanın iqtisadi nəhənglərinin dövlət kapitalizmi sisteminə keçəcəyi ətrafında apardıqları müzakirələr səngimək bilmir. İqtisadçı ekspertlər iddia edirlər ki, inhisarçı sistemin çökməsi ilə əlaqədar dünya iqtisadi arenasında öz sözünü demiş ölkələr siyahısına digər dövlətlər əlavə olunacaq.

Bu il keçirilən prosesdə əhalinin özü də çox fəallıq göstərib

Azərbaycan ərazisində aprelin 13-dən start verilən əhalinin siyahıya alınması prosesi aprelin 22-də başa çatdı. Son məlumata əsasən, siyahıyalınmada Azərbaycan əhalisinin 92,5 faizi iştirak edib. Məlumat üçün bildirək ki, əhalinin siyahıya alınması BMT-nin tövsiyələrinə müvafiq olaraq hər 10 ildən bir dünyanın bütün ölkələrində həyata keçirilir. Dövlət Statistika Komitəsi aparatının rəhbəri Ziyad Abbasəliyev "Ülfət" qəzetinə açıqlamasında bildirdi ki, siyahıyaalınma ənənəvi olaraq əhalini fərdi qaydada sorğu etməklə həyata keçirilib.

Eyyub Hüseynov:
"Nə qədər ki, sahibk ar az maya qoymaqla
çox qazanc götürə bilir, bu addımı atmayacaq"

İmran Abdullayev:
"Köhnə bazarların yerində, yaxud ona yaxın ərazilərdə yeni kənd təsərrüfatı məhsullarının satış mərkəzinin yaradılması yaxşı olardı"

Vüqar Bayramov: "Əslində həyata keçirilən iri layihələrin dəyəri maksimum 10 faiz artırıla bilər"

Rövşən Ağayev: "Beynəlxalq təcrübədə tenderi udan şirkətlə bağlanılacaq müqavilələrdə konkret öhdəliklər göstərilir"

Mərkəzi Bank əhalinin banklardakı depozitlərinin 8 min manatlıq hissəsinin sığorta olunmasını istəyir

Dünya maliyyə böhranı ilə əlaqədar bankların üzləşdiyi problemlər və onların bir çoxunun artıq kredit fəaliyyətini məhdudlaşdırması isə əhali arasında başqa bir çaşqınlıq yaradıb. Vətəndaşlar bankların bağlanmasından ehtiyat edərək pullarını geri tələb edirlər. Vəziyyəti nəzərə alan Mərkəzi Bank və Əmanətlərin Sığortalanması Fondu (ƏSF) depozit sahiblərinin narahatçılığına son qoymaq və onların yatırdığı pulların təhlükəsizliyinə təminat vermək üçün Fondun qaydalarına dəyişiklik edilməsini təklif edirlər.

Aprelin 2-də Əmək və Sosial Münasibətlər Akademiyasında Ümumdünya Əməyin Mühafizəsi Gününə (28 Aprel) həsr olunmuş zona seminarı keçirilmişdir. Azərbaycan Həmkarlar İttifaqları Konfederasiyasının təşkilatçılıq dəstəyi ilə baş tutmuş tədbirdə günün bir sıra aktual məsələləri müzakirə olunmuşdur. Seminarı giriş sözü ilə AHİK sədrinin müavini Cavanşir Alxasov açmışdır.

Avropa Ədalət Məhkəməsinin ədalətsiz qərarı

Maliyyə böhranı həmkarlar ittifaqlarını beynəlxalq miqyasda daha sıx əməkdaşlığa, işçilərin zorla sürükləndikləri çətin vəziyyətdən qurtulması üçün yollar axtarmağa səfərbər etmişdir. Beynəlxalq Əmək Təşkilatının (BƏT) Portuqaliyanın paytaxtı Lissabon şəhərində keçirilən səkkizinci Avropa regional müşavirəsi bu baxımdan mühüm əhəmiyyət daşıyırdı. Bir maraqlı məqamı oxucuların diqqətinə çatdırım ki, müşavirə hələ xeyli əvvəl BƏT-in hazırladığı tədbirlər planında nəzərdə tutulmuş mövzu üzrə keçirilməli idi.

Fevralın 26-da Sosial Münasibətlər Akademiyasında "Gender bərabərliyi və qadın problemləri" mövzusunda tədbir keçirilmişdir. Tədbir İnşaat Kompleksi İşçiləri Müstəqil Həmkarlar İttifaqı Respublika Komitəsinin təşkilatçılığı ilə baş tutmuşdur. RK sədri Umud Hüseynov əvvəlcə Xocalı soyqırımı qurbanlarının xatirəsininin bir dəqiqəlik sükutla yad olunmasını təklif etdi. Sonra dedi ki, qadınların cəmiyyətimizdə, ailədə yeri, rolu və qayğıları təşkilatımızın gündəlik fəaliyyətinin tərkib hissəsinə çevrilmişdir.

Mədəniyyət İşçiləri Müstəqil Həmkarlar İttifaqı Respublika Komitəsi Əmək və Sosial Münasibətlər Akademiyasında "Valideyn və övlad münasibətləri" mövzusunda seminar keçirilmişdir. RK-nın Gender Bərabərliyi və Qadın Problemləri İşi üzrə Komissiyanın Bakı şəhərində olan strukturlarından 50 nəfərdən çox sədr və fəallar toplaşmış seminar uşaq ilinə həsr edilmişdi.

Ulu öndərimiz Heydər Əliyev millətimizin gələcəyini uşaqlara göstərilən xüsusi diqqətdə görürdü. O, uşaqları çox sevirdi. Elə bir səfəri, görüşü olmazdı ki, onun pişvazına çıxan insanlar arasından uşaqları çağırıb əzizləməsin. Ulu öndərimizin əsasını qoyduğu bütün ənənələr kimi gələcək nəslin təlim-tərbiyəsinə ciddi münasibət, qayğı dövlət səviyyəsində yaşadılır, zamanın gedişinə uyğun inkişaf etdirilir. Hörmətli Prezidentimizin Sərəncamı ilə 2009-cu ilin "Uşaq ili" elan olunması bu diqqətin parlaq təzahürüdür. Böyük əhəmiyyət daşıyan bu kampaniyanın həyata keçirilməsi üçün cənab İlham Əliyevin təsdiq etdiyi "Tədbirlər Planı"nda təşkilatların sıravi insanların qarşısında, uşaqların intellektual səviyyəsinin yüksəldilməsi başlıca vəzifələrdən biri kimi qoyulur.

Maliyyə Nazirliyi sosial xarakterli təkliflərin maliyyə tutumlu olmasını əsas gətirərək qəbul olunmasına razılıq vermir

Əmək Məcəlləsinin 33 maddəsi üzrə 120-dən çox düzəlişləri nəzərdə tutan qanun layihəsi ümumilikdə işçilərin sosial hüquqları ilə bağlı həddindən artıq mühüm komponentləri özündə birləşdirir. Burada işçilərin sosial müdafiəsi baxımından sərt tədbirlərin tətbiqi, işçilərin bununla bağlı birliklərinin yaradılması, həmkarlar ittifaqlarının əmək qanunvericiliyinin qorunmasında rolunun gücləndirilməsi və digər yeni elementlər öz əksini tapıb.

Sənan Hüseynov: "Respublikanın ayrı-ayrı ərazisində orta məktəblərdə 2768 ailə, hərbi hissə ərazisində isə 1479 ailə məskunlaşıb"

Respublikanın əksər təhsil ocaqlarının yataqxanalarında məcburi köçkünlər məskunlaşıb. Orta məktəb binaları və hərbi hissələrin bir çoxu da 15 ildən artıq məcburi köçkünlərin sığınacağına çevrilib. Maraqlıdır ki, həmin məcburi köçkünlər nə zaman köçürüləcək?

Qeyri-leqal əmək münasibətlərinin rəsmiləşdirilməsi üçün qanunvericilikdə dəyişiklik edilə bilər

Dövlət Sosial Müdafiə Fondu (DSMF) gerçək məvaciblərin gizlədilməsinə, iki mühasibatlığa qarşı mübarizəyə başlayır. Fond rəhbərliyi bu məqsədlə əsaslı tədbirlərin aparılmasını nəzərdə tutub. Belə ki, işləyənlərin sosial müdafiəsi və gələcək pensiya təminatı hüquqlarının qorunması baxımından qeyri-leqal əmək münasibətlərinin rəsmiləşdirilməsi üçün qanunvericilikdə dəyişikliklərin edilməsi gözlənilir. DSMF-in ictimaiyyətlə əlaqələr sektorundan verilən məlumata əsasən, əməkhaqlarının süni surətdə aşağı məbləğlərdə müəyyənləşdirilməsi hallarının qarşısını almaq üçün qanunvericilikdə dəyişikliklərin edilməsi barədə müvafiq təkliflər hazırlanacaq.

Qeyri-leqal əmək münasibətlərinin rəsmiləşdirilməsi üçün qanunvericilikdə dəyişiklik edilə bilər

Dövlət Sosial Müdafiə Fondu (DSMF) gerçək məvaciblərin gizlədilməsinə, iki mühasibatlığa qarşı mübarizəyə başlayır. Fond rəhbərliyi bu məqsədlə əsaslı tədbirlərin aparılmasını nəzərdə tutub. Belə ki, işləyənlərin sosial müdafiəsi və gələcək pensiya təminatı hüquqlarının qorunması baxımından qeyri-leqal əmək münasibətlərinin rəsmiləşdirilməsi üçün qanunvericilikdə dəyişikliklərin edilməsi gözlənilir. DSMF-in ictimaiyyətlə əlaqələr sektorundan verilən məlumata əsasən, əməkhaqlarının süni surətdə aşağı məbləğlərdə müəyyənləşdirilməsi hallarının qarşısını almaq üçün qanunvericilikdə dəyişikliklərin edilməsi barədə müvafiq təkliflər hazırlanacaq.

14 il ərzində 1200-ə yaxın tələbə
bu mükafata layiq görülüb

Cəmiyyətimizin inkişafı gənclərimizin təkcə biliyindən, savadından asılı deyil. Onlar bacarıqlı mütəxəssis olmaqla yanaşı, həm də gələcəyin rəhbər kadrlarıdırlar. İnsanlarla ünsiyyət qurmağı, təşkilatçılığı, kollektivin ağırlığını çiyinlərində daşımağı indidən, yəni auditoriyalarda öyrənməlidirlər. Təhsil İşçiləri Azad Həmkarlar İttifaqı Respublika Komitəsi gənclərimizi belə görmək istəyir və istədiyini reallaşdırmaq üçün imkanları daxilində müxtəlif formalar axtarır, həyata keçirir. İstedadlı gənclərin həvəsləndirilməsi və stimullaşdırılması formalarından biri də adlı təqaüdlərdir.

Kimin əmək pensiyasının sığorta
hissəsi yüksəkdirsə, onun
təqaüdünün artımı da olacaq

Prezident İlham Əliyev əmək pensiyalarının sığorta hissəsinin indeksləşdirilməsi haqqında Sərəncam imzaladı. Sərəncama görə, Azərbaycanda pensiyaçıların sosial müdafiəsini gücləndirmək məqsədi ilə 2008-ci il üzrə istehlak qiymətləri indeksinə uyğun olaraq, 2009-cu ilin 1 yanvar tarixindən bütün növ əmək pensiyaları üzrə aylıq pensiya məbləğlərinin sığorta hissəsi artırılıb. Dövlət Sosial Müdafiə Fonduna tapşırılıb ki, fərdi uçot sistemində fərdi hesabların sığorta hissəsində qeydə alınan pensiya kapitalı məbləğlərinin indeksləşdirilməsi həyata keçirilsin.

Musa Quliyev: "İcbari tibbi sığortanın tətbiqi üçün azərbaycanda təxminən 5-6 milyard manat vəsait lazımdır"

Vüqar Bayramov: "Dövlət xəstəxanalarında müayinə və müalicə pulsuz olduğundan həkimlər rəsmi şəkildə ödənişlər edilməsində maraqlı deyil"

Azərbaycanda icbari tibbi sığortanın tətbiqi ləngiyir. "Tibbi sığorta haqqında" Qanunun qəbulundan xeyli müddət ötsə də, vətəndaşlar bu qanunun verdiyi imkanlardan bəhrələnə bilmir. Halbuki tibbi sığortanın reallaşdırılmasından sonra səhiyyə sahəsində bəzi problemlərin həllini tapacağı gözlənilirdi. Çünki Azərbaycan tipli inkişaf etməkdə olan ölkələrdə səhiyyə sahəsində problemdən çıxış yolu kimi icbari tibbi sığortanın tətbiqi məqbul sayılır.

Əmək Məcəlləsinə təklif olunan dəyişikliklərə əsasən,
41 dərəcə temperaturda işlər dayandırılacaq


Məlum olduğu kimi, Milli Məclisin Sosial Siyasət Daimi Komissiyası Əmək Məcəlləsinə ciddi dəyişikliklər edilməsi ilə bağlı təkliflər hazırlayıb. Əmək və Əhalinin Sosial Müdafiəsi Nazirliyinin Dövlət Əmək Müfəttişliyi, Azərbaycan Həmkarlar İttifaqları Konfederasiyası, Ailə, Qadın və Uşaq Problemlərinin Həlli üzrə Dövlət Komitəsi, Sahibkarlar (İşəgötürənlər) Təşkilatları Milli Konfederasiyası və müvafiq orqanların mütəxəssislərinin birgə təklifləri əsasında hazırlanacaq yeni Məcəllə əmək qanunvericiliyinin yeni bazar iqtisadiyyatı prinsiplərinə uyğunlaşdırılmasını nəzərdə tutur. Milli Məclisin Sosial Siyasət Daimi Komissiyasının sədr müavini Musa Quliyevin fikrincə, Azərbaycanda son illərdə yüksək inkişaf meyillərinin yaranması və məşğulluq səviyyəsinin artması, ümumiyyətlə, son on ildə ölkədə əmək münasibətlərində əhəmiyyətli dərəcədə fərqlərin meydana çıxmasına səbəb olub. Buna görə də əmək qanunvericiliyinin təkmilləşdirilməsi və Avropa standartlarına uyğunlaşdırılmasına ehtiyac var.

Bu, Dövlət Sosial Müdafiə Fondunun
apardığı sorğu nəticəsində məlum olub

Dövlət Sosial Müdafiə Fondunun (DSMF) internet saytında keçirilən növbəti interaktiv sorğu yekunlaşıb. Sorğu zamanı respondentlərə "Hansı məsələlər barədə daha ətraflı məlumatlandırılmağa ehtiyac görürsünüz?" sualı ünvanlanıb. Suala verilən cavablar nəticəsində məlum olub ki, əhali daha çox pensiya artımları və sosial sığorta yenilikləri ilə məlumatlandırılmağa ehtiyac duyur.

Qarşılıqlı iradlar var, bəs xidmət?

Son zamanlar paytaxtımızda qaz sızmasından törənən partlayış və insan ölümlərinin sayı katastrofik həddə çatıb. Ekspertlər "qaz fəlakəti"ni bir neçə səbəblə bağlayırlar. Bunlardan ən başlıcası Dövlət Neft Şirkətindən alınan qazın tərkibinin o qədər də təmiz olmamasıdır. İkincisi, İran istehsalı olan qaz sobalarının standartlara cavab verməməsidir. "Azəriqaz" Qapalı Səhmdar Cəmiyyətinin tabeliyindəki qaz istismar idarələri tərəfindən nəzarətin zəif həyata keçirilməsi və sair təsiredici amilləri əsas gətirənlər də az deyil. Bunlar ehtimallardır. Lakin bu, faktdır ki, hadisə baş verəndə cavabdeh təşkilatlar bir-birini günahlandırır, qarşılıqlı iradlarını bildirir, heç kəs məsuliyyəti öz üzərinə götürmək istəmir.