Artıq Azərbaycanda ev quşları arasında taun əleyhinə peyvənd aparılır

Son günlər taun xəstəliyinin yayılması barədə xəbərlər eşidilməkdədir. Respublikamızda bu xəstəliklərin ilkin əlamətləri belə müşahidə edilməsə də, onun əleyhinə profilaktik tədbirlər görülür. Artıq ev quşlarının peyvəndi aparılır. Kənd Təsərrüfatı Nazirliyi yanında Dövlət Baytarlıq Xidməti mətbuat xidmətinin rəhbəri Yolçu Xanvəlinin sözlərinə görə, peyvəndləmə işləri ilin sonuna qədər davam edəcək. İl ərzində 11 xəstəlik üzrə heyvan və quşlarda peyvəndləmə işləri aparılacaq.

Üç dildə yayımlanan versiyada başqa saytlara keçid yaradılıb

Azərbaycan Həmkarlar İttifaqları Konfederasiyasının saytı yeniləndi. Ahik.org-un yeni versiyası köhnə variantdan fərqli olaraq 3 dildə - Azərbaycan, rus, ingilis dillərində yayımlanacaq. Bununla yanaşı, sayt daha müasir dizaynı və tutumu ilə əvvəlki variantdan fərqlənir. Saytda ana səhifə, rəhbərlik, üzv təşkilatlar, tabeçilikdə olan təşkilatlar, beynəlxalq əlaqələr, mətbuat və ictimaiyyətlə əlaqələr, haqqımızda, qalereya kimi şöbələr yaradılıb.

Qərb ölkələrində hələ də açıqcalardan istifadə edirlər

Bir neçə illər öncə yeni il ərəfəsində vətəndaşlarımız yaxınlarına yeni il açıqcası göndərməklə onları təbrik edirdilər. Bir çox Qərb ölkəsində bu təbrik üsulu hələ də dəbdədir. Qərblilər Yeni İlqabağı poçt xidmətlərindən adi günlərdə olduğundan iki dəfə çox istifadə edirlər. Xaricdə yaşayan dostları, qohumları, yaxınları və tanışlarını təbrik etmək üçün açıqcalar, bağlamalar göndərirlər. Eyni zamanda internet mağazalar və kataloqlardan alış-veriş də poçt vasitəsilə həyata keçirilir.

Zahid Oruc: "Dövlət özünün kadr bankını tam sağlam insanlardan ibarət formalaşdırmaqda maraqlıdır"

Gənclərin həqiqi hərbi xidmətə aparılması məsələsində səhhətində müəyyən qədər problem olanlarla bağlı məsələ daim müzakirə olunur. Sonradan ordu sıralarında bu problem səbəbindən əsgərin ölüm halı qeydə alındıqda isə, ilk öncə, onun həqiqi hərbi xidmətə müalicə olunmadan aparıldığı vurğulanırdı. Artıq bu məsələ ilə bağlı konkret addımlar atılacaq. "Hərbi vəzifə və hərbi xidmət haqqında" qanun layihəsində bu məsələlərin həlli ilə bağlı konkret məqamlar yer alıb.

Metronun "Əzizbəyov" stansiyası yeni ilə qədər istifadəyə veriləcək.

Bakı Metropoliteninin mətbuat xidmətinin rəhbəri Nəzakət Tarverdiyevadan aldığımız məlumata əsasən, təmir-yenidənqurma işlərinin yeni ilə kimi yekunlaşdırılması məqsədi ilə işçilər gücləndirilmiş rejimdə çalışırlar: "Əvvəlki giriş-çıxış meydançasının binasının vestibülü avtomobil yolundan bir qədər uzaqlaşdırılıb. Giriş-çıxışın üzəri xüsusi metal konstruksiya ilə ucaldılacaq. Zirvəsi 18 metr hündürlükdə olan konstruksiyanın skeletinin metal hissəsi tamamilə yığılıb. Bir neçə günədək istiqamətləndiricilərin, şüşə örtüyün, arakəsmələrin quraşdırılması işləri də başa çatacaq. Artıq mərmər örtüyün qoyulması və izolyasiya işləri də yekunlaşdırılmaq üzrədir.

Hadı Rəcəbli: "Əgər nikaha girənlər pulla arayış alarsa, Cinayət Məcəlləsində məsuliyyət qoyulacaq"

Bu il Azərbaycanda 155 min doğuş qeydə alınıb. Gələn il 196 min doğuş proqnozlaşdırılır. Milli Məclisin Sosial Siyasət Komitəsinin sədri Hadı Rəcəbli bildirib ki, gələn il təxminən 54 min ölü gözlənilir: "Ümumilikdə gələn il Azərbaycanda təxminən 140 min artım olacağı proqnozlaşdırılır. 1992-ci ildən indiyə qədər Azərbaycanda əhali iki dəfə artıb. Biz istəyirik ki, həyata keçirdiyimiz sosial layihələrlə bu tendensiyaya təkan verək. Amma təəssüflə onu da qeyd etməliyəm ki, bu gün nikaha girənlərin 13 faizinin övladı olmur".

"Güman edirəm ki, iş adamlarımız qlobal maliyyə böhranına bir imkan kimi baxacaqlar"

Avro dollara nisbətən dəyərini itirməkdə davam edir. Avronun məzənnəsindəki kəskin azalmaları avrozonada müşahidə edilən böhranın dərinləşməsi ilə əlaqələndirirlər. Proqnozlara inansaq, Avropa Birliyi yaxın gələcəkdə bu problemlərin öhdəsindən gələ bilməyəcək. Odur ki, beynəlxalq maliyyə qurumları AB-nin dağıla biləcəyi ilə bağlı narahatlıqlarını ifadə edirlər. Vəziyyət investorları narahat etməyə başlamışdır. Onlar aktivlərini digər daha davamlı valyutalara, o cümlədən ABŞ dollarına keçirməyə tələsirlər. Dünya ölkələri böhranın fəsadlarından bu qədər narahat olduğu halda, ekspetlərimiz Azərbaycanla bağlı optimist fikirlər yürüdürlər.

ətin bahalaşmasına qarşı daha bir tədbir

İqtisadi İnkişaf və Kənd Təsərrüfatı nazirlikləri Qurban bayramının yaxınlaşması ilə əlaqədar indidən bir sıra tədbirlərə başlayıblar. Söhbət bayram günlərində qiymətlərin bahalaşmasının qarşısını almaq üçün qabaqlayıcı tədbirlərdən gedir. Adətən bayram günlərində əsas ərzaq və ət məhsullarının süni şəkildə bahalaşması baş verdiyindən vətəndaşların narazılıqları artır və bir çox istehlakçıların baha qiymət fonunda bayramı qeyd etməyə imkanı olmur.

Sahibkar üçün pul sərnişinlərin həyatından önəmlidir

Ötən hər həftə paytaxtda avtobusların törətdikləri yol qəzaları ilə daha çox yadda qalır. Baş verən qəzaların əksəriyyətində ictimai nəqliyyatın günahı az olmayıb. Araşdırmalar göstərir ki, əlaqədar qurumların mikroavtobusların orta və iritutumlu avtobuslarla əvəzlənməsindən sonra bu problemin həllini tapacağı ilə bağlı vədləri özünü doğrultmadı. Hətta bir müddət Nəqliyyat Nazirliyi tərəfindən avtobusların dayanacaqlardan kənar ərazidə sərnişin götürməsinə qarşı keçirdiyi reydlər, tətbiq etdiyi cərimələr də vəziyyəti dəyişmədi. Bu gün avtobusların özləri ilə yanaşı onların yol verdikləri qayda pozuntuları da böyüyüb.

Oktyabrın 11-də Azərbaycan Təhsil İşçiləri Azad Həmkarlar İttifaqı Respublika Komitəsində "Bu, mənim peşəmdir" başlığı altında təşkil edilən foto, təsviri və tətbiqi sənət müsabiqəsinin ikinci mərhələsi keçirilmişdir.
AHİK-in İcraiyyə Komitəsinin 11 iyul tarixli qərarına əsasən, təşkil olunmuş müsabiqənin məqsədi peşələrin nüfuzunu yüksəltmək, sosial, əmək münasibətlərinin müxtəlif aspektlərinə ictimaiyyətin və səlahiyyətli orqanların nəzərini cəlb etməkdir.

Rafiq Əliyev: "Mövsüm ərəfəsində əlavə 156 binada aşağı paylama istilik sistemləri tam yenilənib"

Qışda üzləşdiyimiz problemlərdən ən başlıcası mənzillərin istilik təchizatı ilə bağlıdır. Bu problemin yaranmaması istiqamətində hansı işlərin görüldüyünü öyrənmək üçün "Azəristiliktəchizat" ASC-nin Abonent və Müştəri Xidmətləri Şöbəsinin rəisi Rafiq Əliyevə müraciət etdik.

Beynəlxalq Miqrasiya Təşkilatının dəstəyi və Azərbaycan Həmkarlar İttifaqları Konfederasiyasının təşkilatçılığı ilə "Azərbaycanda miqrasiya sahəsində biliklərin artırılması" mövzusunda baş tutan növbəti seminara "Xidmət-İş" Hİ Federasiyasının bir qrup üzvü dəvət olunmuşdu. Tədbiri giriş sözü ilə Federasiyanın vitse-prezidenti Sadət Tahirova açdı.