Azərbaycan Respublikasının Prezidenti İlham Əliyev
yanvarın 23-də
…Rusiya Federasiyasının Soçi şəhərinə işgüzar səfərə gəlmişdir. …və Rusiya Federasiyasının Prezidenti Dmitri Medvedev Soçidə, "Girand Polyana" mehmanxanasının "Qəbullar evi"ndə görüşmüş və qarşılıqlı fikir mübadiləsi aparmışlar. …və Rusiya Federasiyasının Prezidenti Dmitri Medvedev Azərbaycan Respublikası Dövlət Neft Şirkəti və Rusiyanın "Qazprom-eksport" Məhdud Məsuliyyətli Cəmiyyəti arasında təbii qazın alqı-satqısına dair müqaviləyə 5 nömrəli əlavə sazişin imzalanması mərasimində iştirak etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Soçidə, "Girand Polyana" mehmanxanasının "Qəbullar evi"ndə birgə görüşmüş, Ermənistan-Azərbaycan, Dağlıq Qarabağ münaqişəsinin nizamlanması ilə bağlı məsələləri müzakirə etmişlər. …, Rusiya Federasiyasının Prezidenti Dmitri Medvedev və Ermənistan Respublikasının Prezidenti Serj Sarkisyan Ermənistan-Azərbaycan, Dağlıq Qarabağ münaqişəsinin tənzimlənməsinə dair danışıqların yekunlarına əsasən Birgə Bəyanat qəbul etmişlər. …Rusiya Federasiyasına işgüzar səfərini başa vuraraq həmin gün axşam Bakıya qayıtmışdır.
yanvarın 24-də
…Kür çayının suyunun daşması nəticəsində baş vermiş hadisələrin təkrar olunmaması üçün Fövqəladə Hallar Nazirliyi tərəfindən Bakıya gətirilmiş Niderland Krallığının "Damin" şirkətinin istehsal etdiyi "CSD-500" torpaqsoran qurğulara, Türkiyənin Tuzla şəhərində istehsal olunmuş yedək və təchizat gəmilərinə və tədqiqat katerinə baxış keçirmişdir.
yanvarın 25-də
…Davosda keçirilən Dünya İqtisadi Forumunda iştirak etmək üçün İsveçrəyə işgüzar səfərə gəlmişdir. …Davosda İsveçrə Konfederasiyasının Prezidenti xanım Eveline Vidner Şlümlə, İsrail Dövlətinin Prezidenti Şimon Pereslə, Avstriyanın "OMV AGE" şirkətinin baş icraçı direktoru Gerhard Roisslə və Amerika Birləşmiş Ştatlarının dövlət katibinin iqtisadiyyat, energetika və kənd təsərrüfatı məsələləri üzrə müavini Robert Hormatsla görüşmüşdür.
yanvarın 26-da
…Davosda "UBS Global" şirkətinin direktorlar şurasının sədri Kaspar Villigerlə, Avropa İttifaqının enerji məsələləri üzrə komissarı Günter Ottingerlə, Dünya İqtisadi Forumunun təsisçisi və icraçı sədri Klaus Şvabla, Gürcüstanın Baş naziri Nika Gilaurilə, Almaniyanın "Deutıche Bank"ının Mərkəzi və Şərqi Avropa ölkələri üzrə icraçı direktoru Peter Tilslə və idarə heyətinin üzvü Yürgen Figenlə, Beynəlxalq Qızıl Xaç Komitəsinin prezidenti Yakob Kellenbergerlə, Ukrayna Prezidenti Viktor Yanukoviçlə, RWE şirkətinin baş icraçı direktoru Yurgen Qrossmanla, Pakistan İslam Respublikasının Baş naziri Sayid Yusuf Raza Gilanilə, "Holcim Group" şirkətinin idarə heyətinin sədri Markus Akermanla, "Microsoft International" şirkətinin prezidenti, "Microsoft" Korporasiyasının vitse-prezidenti Jan Kurtua ilə və "Edisson" şirkətinin baş icraçı direktoru Bruno Leskörlə görüşmüşdür.
yanvarın 27-də
…Davosda Böyük Britaniyanın York Hersoqu, şahzadə Endryu ilə görüşmüşdür.
Srağagün "Təbəssüm" şadlıq sarayında "Bakıelektrikşəbəkə" Açıq Səhmdar Cəmiyyəti və Cəmiyyətin Həmkarlar İttifaqı Komitəsi birinci sinfə və ali məktəblərin birinci kursuna qədəm qoyacaq kollektiv üzvlərinin övladları şərəfinə görüş keçirmişlər. Görüşə 150 nəfərdən çox səbəbkarla yanaşı, təxminən bir o qədər də valideyn və digər səviyyəli qonaqlar dəvət edilmişdi. Cəmiyyətin təşkilatçıları tədbirin şən keçməsi üçün böyük işlər görmüşdülər. Müğənnilər, tanınmış aktyorlar Fərda və Müşfiq, klonlar, Aşıqlar qrupu, hədiyyəli oyunlar məclisə bir şou, el şənliyi ab-havası gətirmişdi. Tədbirdə Cəmiyyətin rəhbərliyi, Nərimanov Rayon İcra Hakimiyyətinin, Bakı Şəhəri üzrə Təhsil İdarəsinin nümayəndələri, televiziya və qəzetlərin əməkdaşları iştirak etdilər. Dəvət olunmuş orta məktəb birincilərinə məktəb ləvazimatları yığılmış çantalar və mükafatlar paylandı. Ali məktəb auditoriyasına ilk dəfə qədəm qoyacaq gənclərin hər birinə isə 100 manat pul və təbrik yazılmış xatirə açıqcasının verildi. Yeri gəlmişkən, tədbirin müxtəlif məqamlarında söz alan tələbələr, valideynlər etiraf etdilər ki, bəlkə də hər müəssisə öz işçilərinin övladlarına onların təhsilinə belə qayğı göstərmir. "Bizi fəxarətləndirən təkcə hədiyyələrin qiyməti deyil, əsasən həyatda qazandığımız uğurların sevincinə şərik olmaq arzusudur, hissidir". Şagird adını daşımağa hazırlaşan beş körpə balanı məclisin yuxarı başına yığan ASC Həmkarlar İttifaqı Komitəsinin sədri Ramiz Zeynalov o anlar bərkə də özünü dünyanın ən xoşbəxt insanı hesab edirdi. Hər körpənin sevinci adama bir ürəyə sığdığından daha çox sevinc verirdi. Ramiz müəllim həmin balaları bir-bir ən xırda məktəbli ləvazimatına qədər alınıb yığılmış çanta verməklə təbrik etdi. Sonra R.Zeynalov üzünü zala tutub bütün şagirdlərə, tələbələrə, onların valideynlərinə, yaxınlarına ən xoş arzularını çatdırdı. Başçılıq etdiyi təşkilatın Cəmiyyətin rəhbərliyi ilə birlikdə öz fəaliyyətlərində təhsilə xüsusi yer ayrıldığını nəzərə çatdırdı. Dedi ki, müəssisəmizin maliyyə imkanları yaxşılaşdıqca energetiklərin balalarının təhsilinə qayğını daha da artıracağıq. Məclisdə Cəmiyyətin idarə rəisi Tərlan Dadaşov ASC-nin rəhbərliyi adından çıxış etdi və orta və ali məktəblərə ilk dəfə qədəm qoyacaq işçilərin övladlarına təhsildə və həyatda uğurlar arzuladı. Tədbirin sonlarında "Bakıelektrikşəbəkə"yə həsr olunmuş sənədli film nümayiş etdirildi.
1946-cı ildə anadan olmuşam. Hazırda yaşa görə təqaüd alıram. İşlədiyim illərdə (1969-1974) Naftalan Şəhər Sovetində İdman Komitəsinin sədri vəzifəsində çalışmışam. Həmin illər dövlət qulluqçusu statusu kimi mənə sayıla bilərmi, eləcə də qulluq stajıma əsasən mənə pensiya təyin olunması mümkündürmü?
İbrahimxəlil QURBANOV, Naftalan şəhəri.
- Sualınıza cavab olaraq bildiririk ki, Azərbaycan Respublikası Prezidentinin 01.09.2005-ci il tarixli, 290 nömrəli Fərmanı ilə təsdiq edilmiş "Əmək pensiyaları haqqında" qanuna əsasən, pensiya təyin edilməsi üçün dövlət qulluqçusunun müraciət etdiyi vaxt dövlət məvacibinin hesablandığı dövlət qulluğu vəzifəsi mövcud olmadıqda, habelə dövlət qulluqçularının vəzifələrinin "İnzibati və yardımçı vəzifələrin Təsnifat Toplusunda göstərilən dövlət qulluğu vəzifələrinə uyğunlaşdırılması Siyahısı"nda şəhər sovetinin nəzdində idman komitələri nəzərdə tutulmadığından dövlət qulluğuna edilən güzəştlər sizə şamil edilə bilməz.
Srağagün "Təbəssüm" şadlıq sarayında "Bakıelektrikşəbəkə" Açıq Səhmdar Cəmiyyəti və Cəmiyyətin Həmkarlar İttifaqı Komitəsi birinci sinfə və ali məktəblərin birinci kursuna qədəm qoyacaq kollektiv üzvlərinin övladları şərəfinə görüş keçirmişlər. Görüşə 150 nəfərdən çox səbəbkarla yanaşı, təxminən bir o qədər də valideyn və digər səviyyəli qonaqlar dəvət edilmişdi. Cəmiyyətin təşkilatçıları tədbirin şən keçməsi üçün böyük işlər görmüşdülər.