Standartlaşdırma, Metrologiya və Patent üzrə Dövlət Agentliyi Birləşmiş Həmkarlar İttifaqı Komitəsi (BHİK) doqquz ay öncə təsis olunmuşdur. Ötən bu müddət ərzində təşkilat fəaliyyətini məqsədyönlü şəkildə genişləndirmiş, həyata keçirdiyi tədbirlərlə sahə işçiləri arasında həmkarlar ittifaqına inam hissi aşılaya bilmişdir.
BHİK sədri Fikrət Qasımov demişdir ki, həmkarlar ittifaqı təşkilatından gördükləri qayğı və diqqətin nəticəsi olaraq, bu günlərdə büdcədən maliyyələşməyən və Agentliyin idarələrində müqavilə əsasında çalışan 40 nəfər işçi könüllü surətdə Hİ üzvlüyünə qəbul edilmişdir. Onlar sözügedən qurumun Gəncə, Sumqayıt, Şəki, Lənkəran, Yevlax, Salyan... şəhərlərindəki idarələrində məsləhətçi və mütəxəssis vəzifələrində işləyirlər.

Dövlət Sosial Müdafiə Fondunun 2008-ci il büdcə layihəsi artıq ölkə başçısı tərəfindən imzalanaraq Milli Məclisin müzakirəsinə çıxarılıb.
Layihəyə görə, gələn il Azərbaycanda əmək pensiyalarının baza hissəsi mərhələlərlə 50 manatdan 65 manatadək artırılacaq.

Su Təsərrüfatı İşçiləri Həmkarlar İttifaqı Respublika Komitəsinin Rəyasət Heyəti ilk Hİ təşkilatları və əməyin mühafizəsi komissiyaları sədrlərinin iştirakı ilə "Əməyin mühafizəsi sahəsində qanunvericiliyə riayət edilməsi" mövzusunda seminar-müşavirə keçirmişdir.

Sahibkarlıq və Elm, Elmi-İstehsalat Müəssisələri İşçiləri Həmkarlar İttifaqı Respublika Komitəsi "Təfəkkür" Universiteti ilə birlikdə böyük şair və dramaturq Hüseyn Cavidin 125 illiyi şərəfinə "H.Cavid yaradıcılığında fəlsəfi lirika" mövzusunda ədəbi-bədii gecə keçirmişdir.

Əlamətdar hadisələr həmişə komitəmizin diqqət mərkəzində olmuşdur. Bu, bir tərəfdən işçilərin, onların ailə üzvlərinin sosial vəziyyətinin yaxşılaşdırılması istiqamətində apardığımız işlərin miqyasını genişləndirirsə, digər tərəfdən, xüsusilə gənclərimizin tarixi yaddaşının möhkəmlənməsinə, mənəvi-əxlaqi ənənələrimizin unudulmamasına xidmət göstərir.
Biz, məsələn, "Ahıllar günü"nü böyük təntənə ilə qeyd etdik. İlk növbədə çalışdıq ki, rayonumuzda təhsilin inkişafına ömrünün ən qiymətli illərini sərf etmiş, indi isə fəxri istirahətə çıxmış ağbirçək, ağsaqqal müəllimlərimizə mənəvi dayaq duraq.

Heydər Əliyev adına Bakı Neft Emalı Zavodunun Həmkarlar İttifaqı Komitəsi növbəti iclasında bu ilin üçüncü kvartalında sex və sahələr arasında "Sağlamlıq, təhlükəsizlik və ətraf mühitin mühafizəsi" devizi altında keçirilmiş baxış-müsabiqənin nəticələrini müzakirə etmişdir.
Həmkarlar ittifaqı komitəsinin sədr müavini Nəbi Xudiyev demişdir ki, müsabiqədə 24 sex və sahə strukturu iştirak etmişdir.

"Baku Steel Company" Şirkətinin filialı olan Keşlə təkrar qara metal sahəsində yeməkxana otağı yaradılmış, lazımi avadanlıqla təchiz edilmişdir.
Şirkətin Həmkarlar İttifaqı Birliyinin sədri Əliqulu Quliyevin sözlərinə görə, adıçəkilən sahədə 150 nəfərə yaxın işçi çalışır. Onlara indiyədək gündəlik yemək əvəzi olaraq pul verilirdi. İşçilər sanitar normalarına cavab verməyən şəraitdə qida qəbul edirdilər.

GÜRCÜSTANDA ONA NAİL OLMAĞIN YOLLARI ARAŞDIRILDI

Noyabrın 5-6-da Gürcüstanın Tbilisi şəhərində "Mehriban qonşuluq: çağırışlar, perspektivlər və Cənubi Qafqaz ölkələri həmkarlar ittifaqlarının vəzifələri" mövzusunda konfrans keçirilmişdir. Beynəlxalq Həmkarlar İttifaqları Konfederasiyası Ümumi Avropa Regional Şurasının (ÜARŞ) Beynəlxalq Əmək Təşkilatı və Fridrix Ebert Fondu ilə birlikdə təşkil etdiyi bu beynəlxalq tədbirdə Azərbaycan, Gürcüstan və Ermənistan həmkarlar ittifaqları ilə yanaşı digər ölkələrin qeyri-hökumət təşkilatlarının ekspertləri, mütəxəssisləri də iştirak edirdilər.

Oktyabrın 18-dən 31-dək Yaponiya hökuməti yanında Beynəlxalq Əmək Fondunun dəstəyi ilə Yaponiya Həmkarlar İttifaqları Konfederasiyasının (Renqo) keçirdiyi seminar-müşavirəyə əsasən keçmiş postsovet ölkələrinin həmkarlar ittifaqları dəvət olunmuşdular. Tədbirdə Azərbaycanla yanaşı Ukrayna, Qazaxıstan, Belarus, Monqolustan, Türkmənistan və Gürcüstandan həmkarlarımız iştirak edirdilər.
Yaponiyada toplanmağımızın əsas məqsədi gündoğan ölkənin həmkarlar ittifaqlarının strukturu, fəaliyyət mexanizmi ilə yaxından tanış olmaq və fikir mübadiləsi aparmaq idi.

Milli vətənpərvərlik hissi hər bir Azərbaycan vətəndaşı üçün əsas həyat prinsipidir. Gənclərin hərbi-vətənpərvərlik ruhunda tərbiyə edilməsi sahəsində Dövlət Neft Şirkətinin Qaraçuxur qəsəbəsində yerləşən Q.Abbasov adına Mədəniyyət Sarayı çox böyük işlər görür.
Mədəniyyət sarayının kollektivi müntəzəm olaraq "N" saylı hərbi - hissələrə gedib əsgərlər qarşısında maraqlı çıxışlar edir, gənclərlə hərbi-vətənpərvərlik mövzusunda müxtəlif tematik gecələr keçirir, Böyük Vətən müharibəsi veteranları və Qarabağ müharibəsi iştirakçıları ilə görüşlər təşkil edir.

Qəzetimizin əvvəlki, saylarında məlumat verildiyi kimi, Konfederasiyanın üzv təşkilatı olan Dövlət İdarələri və İctimai Xidmət İşçiləri Həmkarlar İttifaqı Respublika Komitəsi öz Məclisinin 28 fevral 2007-ci il tarixli qərarına müvafiq olaraq sahə həmkarlar ittifaqı üzvlərinin uşaqları arasında rəqs, mahnı, musiqi alətində fərdi ifa nominasiyaları üzrə keçirdiyi baxış-müsabiqə başa çatmışdır.Qəzetimizin əvvəlki, saylarında məlumat verildiyi kimi, Konfederasiyanın üzv təşkilatı olan Dövlət İdarələri və İctimai Xidmət İşçiləri Həmkarlar İttifaqı Respublika Komitəsi öz Məclisinin 28 fevral 2007-ci il tarixli qərarına müvafiq olaraq sahə həmkarlar ittifaqı üzvlərinin uşaqları arasında rəqs, mahnı, musiqi alətində fərdi ifa nominasiyaları üzrə keçirdiyi baxış-müsabiqə başa çatmışdır.

GƏNCLƏR İLİNƏ HƏSR EDİLMİŞ YARADICILIQ DEKADASI DAVAM EDİR

Artıq yarım əsrdir ki, neftçilərin A. İsgəndərov adına mədəniyyət sarayında təsviri sənət studiyası fəaliyyət göstərir. Bu müddət ərzində minlərlə uşaq və yeniyetmə burada rəssamlıq texnikasına yiyələnmiş, fırça və qələmlə işləməyi öyrənmişdir.
1980-ci ildən bu studiyaya Hacırza Məlikov rəhbərlik edir. Hacırza müəllim üçün mədəniyyət sarayı ikinci evə çevrilmişdir.

GƏLƏCƏKDƏ ONLARA VERİLƏN İNSULİNİN KEYFİYYƏTİNDƏ PROBLEMLƏR YARANA BİLƏR

Tibb elmi nə qədər inkişaf etsə də, bir sıra xəstəliklərin qarşısını təmamilə almaq mümkün olmayıb. Son illər xərçəng və şəkərli diabet xəstəliyinə mübtəla olanların sayı artmaqdadır. Son statistikaya görə, Azərbaycanda 62 min şəkərli diabet xəstəsi var. Ümumilikdə isə ölkədə şəkərli diabet xəstələrinin sayı rəsmi rəqəmlərdən dəfələrlə çoxdur. Çünki qeydiyyatda olmayan xəstələr kifayət qədərdir.

Oktyabrın 24-də "Hyatt Regency" otelində “Ailə öhdəlikləri olan işçilər” haqqında BƏT-in 156 saylı Konvensiyası və Azərbaycan tərəfindən bu kovensiyanın qəbuledilmə perspektivlərinə həsr olunmuş dəyirmi masa keçirilmişdir. BƏT-in Moskva Bürosunun təşkil etdiyi tədbirdə sosial tərəfdaşlar - hökumət, həmkarlar ittifaqları, işəgötürənlər birliyi və eləcə də prezident aparatı, Ailə, Qadın və Uşaq Məsələləri üzrə Dövlət Komitəsi, Gənclər və İdman, Təhsil, Mədəniyyət, Vergilər nazirlikləri, Gender İnformasiya Mərkəzinin nümayəndələri iştirak etmişlər.

Hörmətli dəyirmi masa təşkilatçıları və iştirakçıları!
Xanımlar və cənablar!
Bu bir həqiqətdir ki, bütün cəmiyyətlərdə ölkənin məhsuldar qüvvələrinin mühüm tərkib hissəsi qadınlardır. Analıq kimi mürəkkəb, çətin və şərəfli bir funksiyanı yerinə yetirən qadınların əməyinin cəmiyyət və ailə miqyasında necə və hansı dərəcədə səmərəli təşkil edilməsi hər bir sivil dövlətin sosial siyasət sahəsində çox vacib olan vəzifələrindəndir.
Azərbaycan öz dövlət müstəqilliyini bərpa etdikdən sonra qadınların cəmiyyətdəki rolu və vəzifələri əsaslı şəkildə artdı.

Toxucu və Yüngül Sənaye İşçiləri Müstəqil Həmkarlar İttifaqının XIX konfransı işgüzar şəraitdə keçmişdir. İstər Respublika Komitəsinin sədr əvəzi Nərgiz xanım Məmmədovanın hesabat məruzəsində, istərsə də ayrı-ayrı çıxışlarda qurumun beş illik fəaliyyəti geniş təhlil olunmuş, bir sıra təkliflər irəli sürülmüşdür.
Qeyd edilmişdir ki, sahənin əvvəlki şöhrətinin qaytarılması yönümündə RK rəhbərliyi, aparat işçiləri, eləcə də yerlərdə ilk həmkarlar ittifaqı təşkilatları böyük səy göstərmişlər. Həmkarlar ittifaqı üzvlərinin say tərkibini artırmaq üçün məqsədyönlü işlər aparılmışdır. Hazırda Respublika Komitəsi 9 minə yaxın Hİ üzvünü birləşdirir.

Təhsil İşçiləri Azad Həmkarlar İttifaqı Respublika Komitəsinin işçiləri və Bakı, Gəncə, Sumqayıt şəhərlərindəki ali məktəblərin tələbə həmkarlar ittifaqı komitələrinin sədrləri Beyləqan rayonunda yerləşən "N" saylı hərbi hissədə olmuşlar.

QURULTAYDA BU, YÜKSƏK DƏYƏRLƏNDİRİLDİ

Oktyabrın 16-da Avropa Otelində Təbii Sərvətlər və Ekologiya İşçiləri Həmkarlar İttifaqının II qurultayı keçirilmişdir. Respublika Komitəsinin sədri Yaşar Yusubovun təşkilatın beş illik fəaliyyəti barədə hesabatı dinlənilib müzakirə edilmişdir.
Natiq qeyd etmişdir ki, əgər qurumun I qurultayında 80 ilk təşkilat mövcud idisə, bu gün onların sayı 143-ə çatdırılmışdır. Ekologiya və Təbii Sərvətlər Nazirliyi ilə sahə həmkarlar ittifaqı Respublika Komitəsi arasında iki dəfə tarif sazişi bağlanmış, nəzərdə tutulmuş müddəaların yerinə yetirilməsinə mütəmadi nəzarət edilmişdir.

Dəmiryolçuların Müstəqil Həmkarlar İttifaqı Respublika Komitəsinin (MHİRK) iş planına müvafiq olaraq yaradılmış komissiya Azərbaycan Dövlət Dəmir Yolunun (ADDY) təsərrüfat və kadrlarının 2007-2008-ci illərin payız-qış mövsümünə hazırlığın gedişinin vəziyyətini dəqiqləşdirmək üçün seçim yolu ilə bir sıra aparıcı təşkilatlarda və xətti stansiyalarda yoxlamalar keçirmişdir.
Aparılmış yoxlamaların nəticələri MHİRK-in Rəyasət Heyətinin iclasında geniş müzakirə edilmişdir.

"Kommunal və Xidmət İş" Həmkarlar İttifaqı Respublika Komitəsi sıralarına yeni üzvlərin cəlb edilməsini, yerlərdə maliyyə intizamına riayət olunmasını, işçilərin sosial müdafiəsinə, əməyin və sağlamlığın mühafizəsinə, iş şəraitinin yaxşılaşdırılmasına nəzarətin gücləndirilməsini… gündəlik fəaliyyətində mühüm amillərdən sayır.
Bu yönümdə rayon icra hakimiyyətləri, müəssisə rəhbərləri və ilk həmkarlar ittifaqı təşkilatları ilə sıx münasibətlər qurulur.