Arif Əliyev: "Problemin kökündə duran səbəblərdən biri qanunvericiliyin kifayət qədər öyrənilməməsidir"

Osman Gündüz: "İnformasiya verməkdən imtina ilə bağlı qanunvericiliyin tələbləri sərtləşdirilməlidir"

İmran Abdullayev: “Bu məhsulların bir çoxunda salmanelloz və bağırsaq çöpləri mövcuddur”

Son günlər istehlak bazarına nəzarət edən strukturların intensivləşən yoxlamaları zamanı xeyli miqdarda keyfiyyətsiz məhsullar aşkar edilib. Respublika Gigiyena və Epidemiologiya Mərkəzinin və İqtisadi İnkişaf Nazirliyinin apardığı monitorinqlərin nəticələrinə görə, satış şəbəkələrindəki qazsız su, ayran, qazlı su, minerallar, dovğa, dondurma, şirələr, kokteyl və pivə məhsullarının böyük əksəriyyəti saxta və keyfiyyətsizdir.

Ölkəmizin paytaxtı bahalılığına görə dünyada 20-ci yerdə dayanır

Böyük Britaniyanın "ECA İnternational" şirkəti dünyadakı ən bahalı şəhərlərin yeni reytinq siyahısını açıqlayıb. Şirkətin məlumatına əsasən, dünyanın ən bahalı şəhəri Anqolanın paytaxtı Luandadır. Bahalı şəhərlər qrupuna Luanda ilə yanaşı Yaponiyanın Tokio, Naqoya, Yokoqama və Kobe şəhərləri də daxildir. Eyni zamanda Danimarkanın paytaxtı Kopenhagen Avropanın ən bahalı şəhərləri sırasına aid olunur. Nyu-York siyahıda 17-ci yeri tutur. Rusiyanın paytaxtı Moskva isə 23-cü yerdə qərarlaşıb.

Son vaxtlar mobil telefonlar müxtəlif funksiyaları ilə yanaşı, fəsadları ilə də istifadəçiləri şoka salıb. Əgər bir neçə il öncə mobil telefonlardan yalnız əlaqə saxlamaq üçün istifadə edilirdisə, indi bu vasitədən müxtəlif əcaib görüntüləri yaymaq, insanları şantaj etmək məqsədi ilə istifadə etməyə başlayıblar. Bu hal demək olar ki, qlobal xarakter alıb. Məlumat üçün bildirək ki, artıq Çində müvafiq strukturlar pornoqrafik resurslarla mübarizə üçün kampaniyaya start veriblər. Həmin kampaniya fırıldaqçıların veb-saytlarının zərərsizləşdirilməsinə yönəldilib. Veb-sayt və çatları nəzarətdə saxlayan xüsusi kiberpolis dəstələri Çinin internet seqmentində yerləşən müvafiq resurslara çıxışları tapıb bağlayır. O da bildirilir ki, sözügedən ölkədə ən iri pornosaytın yaradıcısı məhkəmənin qərarı ilə ömürlük azadlıqdan məhrum edilib.

Musa Quliyev: "Özlərinin fərdi təsərrüfatlarında işləyənlərə izah edilməlidir ki, sığorta ödəməsələr, gələcəkdə təqaüd ala bilməyəcəklər"

Hazırda respublikanın regionlarında əhalinin sosial sığorta ödənişləri aşağı səviyyədədir. Kənd yerlərində özəl təsərrüfatlarda çalışan şəxslərin əksəriyyəti sosial sığortaya cəlb olunmayıb. Bu da həmin vətəndaşların pensiya yaşına çatdıqda təqaüdə çıxmasında müəyyən poroblemlər yaradacaq.

İntiqam Əliyev: "Hətta tikilinin özü qanunsuz sayılsa belə, tikinti materiallarının üzərində vətəndaşların mülkiyyət hüququ var"

Nizaməddin Rzayev: "Neft mədənləri ərazisində qanunsuz tikinti aparanlara dəfələrlə xəbərdarlıq edilib"

Bu tarixi hadisə ilə əlaqədar AHİK-də yığıncaq təşkil olundu

Bu il mayın 28-də Azərbaycan xalqının həyatına böyük və əlamətdar hadisə kimi daxil olan Azərbaycan Xalq Cümhuriyyətinin 91-ci ili tamam oldu. Bu münasibətlə AHİK-də təntənəli yığıncaq keçirildi. Yığıncağı giriş sözü ilə açan AHİK-in sədr müavini Aqil Dadaşov bildirdi ki, müsəlman Şərqində ilk demokratik respublika olan Azərbaycan Xalq Cümhuriyyəti ölkəmizin çoxəsrlik sosial-iqtisadi, ictimai-siyasi və mədəni inkişafının, xalqımızın milli oyanışı və dirçəlişi proseslərinin məntiqi nəticəsi kimi meydana çıxıb.

Nizami muzeyi yeni ampluada

Noyabrın 1-də Nizami Gəncəvi adına Milli Azərbaycan Ədəbiyyatı Muzeyinin fəaliyyətə başlamasının 70 ili tamam olur. Ölkə rəhbərliyi səviyyəsində bu əlamətdar hadisəyə böyük hazırlıq işləri görülür. Bir neçə gün əvvəl muzeyin əsaslı təmiri başa çatmış, bu ədəbiyyat məbədi qapılarını geniş tamaşaçı kütləsinin üzünə açmışdır. Əməkdaşımız görülən və görülməsi nəzərdə tutulan işlər və sair məsələlər ətrafında muzeyin direktoru, Azərbaycan Milli Elmlər Akademiyasının müxbir üzvü, filologiya elmləri doktoru, professor Rafael Hüseynovla söhbət aparmışdır. Həmin söhbəti oxucularımıza təqdim edirik.

Nabil Seyidov: "Uşaqların hərəkətinin müəyyən saatlarda məhdudlaşdırılması ilə yanaşı,onların asudə vaxtlarının təşkili məsələsinə də önəm verilməlidir"

Rusiyada azyaşlıların axşam saat 22-dən səhər saat 6-ya qədər ictimai yerlərdə olması qadağan edildi. Bu müddətdə 18 yaşına çatmamış uşaqların alkoqollu içkilərin satıldığı və istifadə edildiyi yerlərə valideynlərinin müşayiəti olmadan internet-kafelərə, stadionlara, parklara getməsinə imkan verilməyəcək.

Musa Quliyev: "Tikinti şirkətləri işçini 10-12 saat işləməyə məcbur edir ki, nəticədə sayıqlıq azalır və arzuolunmaz hadisələr baş verir"

Əvəz Nəbiyev: "Qanunvericilikdə işçinin öz peşəsinə uyğun sahələrdə çalışması əksini tapsa da, işəgötürənlər bu tələbə riayət etmirlər"

Fariz Səmədov: "Yas çadırlarının kirayəsi ilə məşğul olan şəxslər əldə etdikləri gəlirlərə uyğun vergi ödəyirlər"

Maliyyə böhranı, bütün dünyada olduğu kimi, Azərbaycana da təsirsiz ötüşməyib. Böhran nəticəsində əksər sahələrdə ucuzlaşma qeydə alınır. Respublikamızda da qiymət azalması müşahidə edilir. Son aylar ərzində bahalaşan ancaq yas çadırlarının kirayə qiyməti olub. Bu iş hazırda ən gəlirli sahəyə çevrilib desək, bəlkə də yanılmarıq. Maraqlıdır, görəsən yas çadırlarının kirayəsi hansı əsaslarla müəyyənləşir və bu sahə nə dərəcədə vergiyə cəlb olunur?

Həkimlərin buna maddi marağı yoxdur, yoxsa…

Cari ilin iyununda Səhiyyə Nazirliyi həkimlərə ixtisas dərəcəsinin verilməsinə başlayacaq. Proses terapiya, pediatriya, cərrahiyyə, mamalıq-ginekologiya ixtisasları, təcili və təxirəsalınmaz tibbi yardım sahələrini əhatə edəcək.

Ziyad Abbasəliyev: "Əhali onlara təqdim olunan 35 sualın hər birinə şifahi cavab verəcək"

Azərbaycan əhalisinin siyahıya alınması aprelin 13-dən 20-dək həyata keçiriləcək. Ölkə əhalisinin siyahıya alınmasını həyata keçirmək üçün 24 min nəfərdən artıq adam cəlb olunub. Dövlət Statistika Komitəsinin (DSK) aparat rəhbəri Ziyad Abbasəliyevdən aldığımız məlumata görə, siyahıyaalma üçün sorğu vərəqələrinə 35 sual daxil edilib:

Martın 8-nin Beynəlxalq Qadınlar Günü elan edilməsi haqqında qərar 1910-cu ildə - sosialist qadınların Kopenhagendə keçirilən ikinci beynəlxalq konfransında qəbul edilib. Bayram ilk dəfə 1911-ci ildə ABŞ-da və bir sıra Avropa ölkələrində qeyd olunub. 8 mart 1966-cı ildə SSRİ rəhbəri Leonid Brejnevin sərəncamı ilə qeyri-iş günü və dövlət səviyyəli bayram elan edilib.

Xocalı faciəsi 17 il əvvəl baş versə də, xalqımızın yaddaşına qanlı, pozulmaz, silinməz sətirlərlə həkk olunmuşdur. Faciədən çox-çox sonra dünyaya gəlmiş Azərbaycan vətəndaşları da Xocalı soyqırımının dəhşətini dərk edir, qəlbində soykökünə qarşı törədilmiş vəhşi təcavüz kimi yaşadır. Qax rayonunda Uşaq Yaradıcılıq Mərkəzində təşkil olunmuş "Xocalı əsrin faciəsidir" adlı rəsm müsabiqəsi də yeniyetmələrimizin qarı düşmənin xalqımızın başına gətirdiyi müsibətlərdən tam xəbərdar olduğundan xəbər verdi.

Aynur Camalqızı:
"Bir donordan bir dəfədən
artıq istifadə bir-birindən
xəbərsiz yaxın qohumlar
yaradar"

Gülər Əhmədova:
"Qadınlara qanunla yalnız
bir dəfə suraqat ana olmaq hüququ verilməlidir"

Allahşükür Paşazadə:
"Ata-anasız, laboratoriya
şəraitində uşaq yaratmaq
olmaz"

Rəşid Behbudov adına Azərbaycan Dövlət Mahnı Teatrında Rusiyanın Novosibirsk şəhərində fəaliyyət göstərən "Heydər Əliyev adına Beynəlxalq Azərbaycan Forumu"nun ölkəmizdəki daimi nümayəndəliyinin rəhbəri, şair-publisist Mirkazım Seyidovun Milli Aviasiya Akademiyasının rektoru, akademik Arif Paşayevin 75 illik yubileyinə həsr olunmuş "İnsanlığın düz ünvanı" poemasının təqdimatı olmuşdur.

Azərbaycan Prezidenti İlham Əliyev
mərasimdə iştirak etmişdir

Heydər Əliyev Sarayında "Bakı - İslam mədəniyyətinin paytaxtı-2009" Mədəniyyət ilinin təntənəli açılış mərasimi olmuşdur.

2008-ci ildə 17 ton qan tədarük edilib

Qanverənlərin sayının artması pullu donorlara olan ehtiyacı aradan qaldırdı. Belə ki, 2003-cü illə müqayisədə 2008-ci ildə qanvermələrin sayı 3 dəfəyə qədər artıb.

Cahangir Qocayev: "Bu ərazilərdə yeni bina
tikmək istəyən sahibkarlar hələ ki yoxdur"

Emil Axundov: "Bakının hansısa ərazisindəki evlərin sökülməsi ilə bağlı məmurların açıqlamaları onların şəxsi rəyləridir"

Paytaxtın əksər əraziləri son bir neçə ildə əsl tikinti meydançasına çevrilmişdi. Amma sökülməsi barədə uzun müddət söhbət gedən "Sovetski", "Papanin", "Kubinka" kimi tanınan ərazilərdəki birmərtəbəli evlər hələ də qalmaqdadır. Halbuki həmin ərazilərdə evlərin çoxu ötən əsrin əvvəllərində tikilən birmərtəbəli "gecəqondu"lardır. Bakı meri Hacıbala Abutalıbov 2006-cı ilin sonunadək həmin ərazilərdə bir dənə də olsun "gecəqondu"nun qalmayacağını bildirmişdi. Göründüyü kimi, bu, reallaşmadı.