Milli oyunlar üzrə kənd idmançılarının XXI Respublika spartakiadası başa çatmışdır.

Avqustun 5-də UEFA Avropa Liqasının üçüncü təsnifat mərhələsinin cavab oyunları çərçivəsində Ağdamın "Qarabağ" klubu Tofiq Bəhramov adına Respublika stadionunda Polşanın "Visla" komandasını qəbul etmişdir.

Gərgin mübarizə şəraitində keçən qarşılaşmanın 28-ci dəqiqəsində Əfran İsmayılov topu rəqib qapısından keçirərək "Qarabağ" klubunu hesabda önə çıxarmışdır. Görüşün 33-cü dəqiqəsində Rauf Əliyev oyunda fərqlənərək "Qarabağ"ın ikinci qolunu vurmuşdur. İki dəqiqə sonra Rəşad Sadiqov komandasının üçüncü topunu rəqib qapısından keçirmişdir. Matçın birinci hissəsi Ağdam futbolçularının 3:0 üstünlüyü ilə bitmişdir.

İyulun 16-dan 18-dək Heydər Əliyev adına İdman-Konsert Kompleksində sərbəst, Yunan-Roma və qadın güləşi üzrə FİLA-nın "Qızıl Qran Pri" turnirinin final mərhələsi keçirilmişdir.

Ümummilli lider Heydər Əliyevin xatirəsinə həsr edilən bu mötəbər yarışda dünyanın 35 ölkəsindən 350-yə yaxın idmançı mübarizə aparmışdır.
Sentyabr ayında Moskva şəhərində baş tutacaq dünya çempionatına lisenziya xarakteri daşıyan bu turnirdə Azərbaycan idmançıları yüksək hazırlıq səviyyəsi nümayiş etdirmişlər.
Sərbəst güləş üzrə yarışlarda döşək üzərinə çıxan qaliblər arasında dəfələrlə respublika idmanına şərəf gətirmiş Cəbrayıl Həsənov da olmuşdur.

İyun ayının 19-20-də Türkiyənin İstanbul şəhərində "Sərbəst güləş üzrə dünya turniri və mədəniyyət festivalı" çərçivəsində yeniyetmələr (1993-1994-cü il təvəllüdlü) arasında 10 çəki dərəcəsində ənənəvi 6-cı beynəlxalq turnir keçirilmişdir.

Azərbaycan, Bolqarıstan, Özbəkistan, Qazaxıstan, Qırğızıstan, Makedoniya, Türkiyənin, Dağıstan, Tatarıstan, Yakutiya, Kabardin-Balkar, Çərkəz və Naxçıvan muxtar respublikalarının idmançılarının qatıldığı festivalda "Zenit" İdman Cəmiyyəti 7 idmançı ilə təmsil olunurdu.

İstər fərdi, istərsə də komanda hesabında

Hövsan Olimpiya Kompleksində sərbəst güləş üzrə yeniyetmələrin VII Respublika oyunları keçirilmişdir.
"Zenit" İdman Cəmiyyətinin yetirmələri - Samir Məmmədov (32 kq), Fuad Quliyev (35 kq). Emin Ağayev (38 kq), Nəbi Qurbanov (42 kq), Fərid Nəsibov (47 kq), Sabir Qarayev (53 kq), Turxan Qurbanov (59 kq), Şamil Əhmədzadə (66 kq) və Əli Müslümov (73 kq) 1-ci yerə layiq görülmüşlər.

May ayının 7-8-də ümummilli lider Heydər Əliyevin anadan olmasının 87-ci ildönümünə həsr edilmiş 1996-1997-ci il təvəllüdlü kadetlər arasında sərbəst güləş üzrə "Zenit" İdman Cəmiyyətinin birinciliyi keçirilmişdi.

10 çəki dərəcəsində 120 idmançının qatıldığı bu yarışmada ən yüksək pilləni öz aktivlərinə yazmış pəhləvanlar müəyyənləşmişdir. Samir Məmmədov (32 kq.), Fuad Quliyev (35 kq.), Emin Ağayev (38 kq.), Nəbi Qurbanov (42 kq.) Samir Hümbətov (46 kq.), Fərid Nəsibov (50 kq.), Elmir İsmayılov (54 kq.), Emin Ələkbərov (58 kq.), Taleh Cavayev (63 kq.) və Turxan Qurbanov (69 kq.) qalib gəlmişlər.

Respublikamızda idmana göstərilən diqqət və qayğı nəticəsində son illər Azərbaycan idmançıları beynəlxalq yarışlarda böyük uğurlar əldə edirlər. Ölkəmizdə çoxlu sayda Avropa, dünya birincilikləri, olimpiya təsnifat turnirləri keçirilməkdədir.

Bu il Bakıda keçirilmiş Avropa çempionatında "Zenit" İdman Cəmiyyətinin yetirməsi Cəbrayıl Həsənov sərbəst güləşçilərin yarışında 66 kq. çəkidə qızıl medala layiq görülmüşdür.

Aprelin 18-dən 21-dək yeniyetmələr arasında (1996-1997-ci il təvəllüdlü) boks üzrə "Zenit" İdman Cəmiyyətinin açıq birinciliyi keçirilmişdir.

"Zenit" İC-nin idman zalında baş tutmuş birincilikdə 8 komanda ("Zenit" İC, "Bakı Təhsil" İdman Mərkəzi, "Neftçi" Sağlamlıq Mərkəzi, "Rabitəçi" İdman Klubu, "Məhsul" Kənd Könüllü İdman Cəmiyyəti, "Sumqayıt Təhsil İdman Mərkəzi, Sumqayıt Uşaq Gənclər Məktəbi və "Kimyaçı" İdman Klubu) tərkibində 16 çəki dərəcəsində 87 idmançı mübarizə aparmışdır.

"Zenit" İdman Cəmiyyətinin yetirməsi Cəbrayıl Həsənov Bakıda keçirilmiş Avropa çempionatında sərbəst güləşçilərin yarışında 66 kq. çəkidə qızıl medala layiq görülmüşdür.

Cəbrayılın sonuncu qarşılaşması Rusiya Federasiyası pəhləvanı Maqametmurad Qadjiyevlə olmuşdur. Yüksək fiziki və texniki hazırlığa malik həmyerlimiz adlı-sanlı rəqibi üzərində təmiz qələbə qazanmışdır.
C.Həsənov, mütəxəssislərin dediyinə g örə, parlaq gələcəyə malik gənc idmançılarımızdandır. İndiyə qədər güləş döşəyi üzərində qazandığı uğurlar da bunu deməyə haqq verir. O, ötən ilin yayında Ankara şəhərində gənclər arasında təşkil olunmuş dünya çempionatında fəxri kürsünün ən yüksək pilləsinə qalxmışdı. Yenə həmin il Vilnüsdə keçirilmiş yaşlılar arasında Avropa çempionatında gümüş medalın sahibi olmuşdu.

"Gənclik" Tələbə İdman Cəmiyyəti Respublika Şurasının təşkilatçılığı ilə ali məktəb tələbələri arasında idmanın 12 növü üzrə Respublika çempionatı davam edir.
Çempionatın proqramına daxil olan sərbəst güləş üzrə yarışma martın 5-də Milli Aviasiya Akademiyasının idman zalında baş tutmuşdur.

11 komandanın tərkibində 100-ə yaxın idmançının mübarizə apardığı yarışmada qaliblər yeddi çəki dərəcəsində müəyyənləşmişdir. Fəxri kürsünün ən yüksək pilləsində Əjdər Mehdizadə (55 kq.), Qurban Novruzov (60 kq.), Ağaəli Ramazanov (66 kq.) - Dövlət Pedaqoji Universiteti; Elmir Baxışov (74 kq. Dövlət Neft Akademiyası); Elvin Cahangirov (84 kq. Texniki Universitet); Roman Bəkirov (96 kq. Dövlət Pedaqoji Universiteti) və Seymur Niftəliyev (120 kq. Tibb Universiteti) qərarlaşmışlar.

"Gənclik" Tələbə İdman Cəmiyyəti Respublika Şurasının təşkilatçılığı ilə ali məktəb tələbələri arasında Respublika çempionatı keçirilir. Bu yarışlar may ayına kimi davam edəcək.

Martın 1-dən start götürən yarışlar idmanın 12 növü - dzü-do, sərbəst, Yunan-Roma güləşi, basketbol, voleybol, stolüstü tennis, həndbol, şahmat, dama, üzgüçülük, atletika və badmenton üzrə keçirilir.
Çempionatın ilk günü Milli Aviasiya Akademiyasının idman zalında keçirilmiş dzü-do üzvə yarış başa çatmışdır. Bu növdə, Naxçıvan Dövlət Universiteti də daxil olmaqla, 16 ali təhsil müəssisəsindən 120 idmançı iştirak edirdi.

Fevral ayının 20-21-də Kiyev şəhərində Ukrayna güləşçilərinin şərəfinə həsr olunmuş sərbəst güləş üzrə beynəlxalq turnir keçirilmişdir.

Turnirdə 23 ölkədən gəlmiş idmançılar arasında ölkəmizin pəhləvanları da iştirak edirdilər. Azərbaycan Həmkarlar İttifaqları İdman Təşkilatları Assosiasiyasının "Zenit" İdman Cəmiyyətinin təmsilçisi Cəbrayıl Həsənov 66 kq. çəki dərəcəsində bütün rəqiblərinə qalib gələrək turnirin qızıl medalına layiq görülüb.

Futzal üzrə Azərbaycan yığma komandası Avropa çempionatının 1/4 finalına vəsiqə qazanıb. Komandamız Macarıstanda keçirilən yarışda ikinci görüşü Çexiya ilə keçirib və qələbə ilə başa vurub - 6:1. Futzalçılarımız bundan əvvəl Macarıstanı yenib - 3:1.
A qrupunun lideri kimi 1/4 finala çıxan millimizin 25 yanvarda qarşılaşacağı komanda hələ məlum deyil.