"Gənclik" Tələbə İdman Cəmiyyəti Respublika Şurasının təşkilatçılığı ilə ali məktəb tələbələri arasında Respublika çempionatı keçirilir. Bu yarışlar may ayına kimi davam edəcək.

Martın 1-dən start götürən yarışlar idmanın 12 növü - dzü-do, sərbəst, Yunan-Roma güləşi, basketbol, voleybol, stolüstü tennis, həndbol, şahmat, dama, üzgüçülük, atletika və badmenton üzrə keçirilir.
Çempionatın ilk günü Milli Aviasiya Akademiyasının idman zalında keçirilmiş dzü-do üzvə yarış başa çatmışdır. Bu növdə, Naxçıvan Dövlət Universiteti də daxil olmaqla, 16 ali təhsil müəssisəsindən 120 idmançı iştirak edirdi.

Fevral ayının 20-21-də Kiyev şəhərində Ukrayna güləşçilərinin şərəfinə həsr olunmuş sərbəst güləş üzrə beynəlxalq turnir keçirilmişdir.

Turnirdə 23 ölkədən gəlmiş idmançılar arasında ölkəmizin pəhləvanları da iştirak edirdilər. Azərbaycan Həmkarlar İttifaqları İdman Təşkilatları Assosiasiyasının "Zenit" İdman Cəmiyyətinin təmsilçisi Cəbrayıl Həsənov 66 kq. çəki dərəcəsində bütün rəqiblərinə qalib gələrək turnirin qızıl medalına layiq görülüb.

Futzal üzrə Azərbaycan yığma komandası Avropa çempionatının 1/4 finalına vəsiqə qazanıb. Komandamız Macarıstanda keçirilən yarışda ikinci görüşü Çexiya ilə keçirib və qələbə ilə başa vurub - 6:1. Futzalçılarımız bundan əvvəl Macarıstanı yenib - 3:1.
A qrupunun lideri kimi 1/4 finala çıxan millimizin 25 yanvarda qarşılaşacağı komanda hələ məlum deyil.

Çimərlik futbolu üzrə 2011 və 2013-cü illərdə keçiriləcək dünya çempionatlarının final mərhələlərini qəbul etməyə namizəd ölkələrin tam siyahısı müəyyənləşib. Məlumata görə, bu nüfuzlu yarışa ev sahibliyi etmək istəyən Azərbaycan 12 rəqiblə mübarizə aparmalı olacaq.
Təşkilatçılığı üzərinə götürmək üçün FİFA-ya müraciət edən AFFA müxtəlif qitələrdən olan ölkələrlə qiyabi rəqabət aparacaq. Belə ki, ölkəmizlə yanaşı, Avropanın daha 5 ölkəsi - İtaliya, Rusiya, Hollandiya, Polşa, İsveçrə, həmçinin Cənubi Amerikadan Çili, Braziliya, Argentina, Mərkəzi Amerikadan Kosta-Rika, Asiyadan Oman, Afrikadan CAR, Okeaniyada məşhur kurort ölkəsi olan Taiti də dünya çempionatını qəbul etmək arzusundadır.

Oktyabrın 10-dan noyabrın 21-dək Elektroenergetika və Elektrotexnika Sənayesi, Aviasiya, Avtomobil Nəqliyyatı və Yol Təsərrüfatı və Müdafiə Sənayesi işçiləri həmkarlar ittifaqı respublika komitələrinin, Metal İşçiləri Federasiyasının «Baku Stil Kompani» İşçiləri Həmkarlar İttifaqı Birliyinin xidmət sahəsinə daxil olan müəssisə və təşkilatlarda çalışan zəhmətkeşlərin Azərbaycan Respublikasının Dövlət Müstəqilliyi Gününə həsr olunmuş XII Respublika Spartakiadası keçirilir.

Avqustun 5-dən 7-dək Türkiyənin Ankara şəhərində gənclər arasında sərbəst güləş üzrə dünya birinciliyi keçirilmişdir.

Bu mötəbər turnirdə ölkəmizin yığma komandasının tərkibində Azərbaycan Həmkarlar İttifaqlarının "Zenit" İdman Cəmiyyəti Respublika Şurasının güləşçisi Cəbrayıl Həsənov da iştirak etmişdir. Respublikamızın gənclərdən ibarət yığmasının liderlərindən biri C.Həsənov (66 kq.) finalda erməni əsilli Rusiya təmsilçisi Devid Safaryanı məğlub etmiş, dünya birinciliyinin qızıl medalına sahib çıxmışdır.

İyulun 30-da Avroliqanın üçüncü təsnifat mərhələsi çərçivəsində Ağdamın «Qarabağ» komandası səfərdə Finlandiyanın «Honka» klubu ilə ilk oyununu keçirdi.
Oyun meydan sahiblərinin hücumları ilə başladı. Qurban Qurbanovun yetirmələri müdafiəyə daha çox diqqət yetirdiyindən ilk yarı «Honka»nın üstünlüyü şəraitində keçdi. Finlər 2-3 dəfə qol vurmaq imkanı əldə etsələr də, müdafiəçilərimiz və qapıçımız Fərhad Vəliyev səhvsiz oynadı.

Respublika ali təhsil məktəblərinin IX Universiadasının proqramına daxil olan cüdo, basketbol, stolüstü tennis, həndbol, şahmat, dama, voleybol, badminton, yüngül atletika və üzgüçülük yarışlarına yekun vurulmuşdur. Azərbaycan Həmkarlar İttifaqları İdman Təşkilatları Assosiasiyasının (AHİTA) binasında keçirilmiş bağlanış mərasimində idmançılarla yanaşı qalib gəlmiş ali məktəblərin idman kafedralarının müdirləri, idman klublarının rəhbərləri də iştirak etmişlər.

Cəbrayıl Həsənov Avropa çempionatında gümüş medala layiq görülüb. İdmançının uğurunu onunla bölüşmək məqsədi ilə dünən Azərbaycan Həmkarlar İttifaqları İdman Təşkilatları Assosiasiyasında tədbir keçirildi. Tədbirdə iştirak edən "Zenit" İdman Cəmiyyətinin sədri Fazil Hadıbəyov Cəbrayıl Həsənovun və onun məşqçisi Aslan Ağayevin qələbəsini böyük uğur hesab etdiyini dedi.

Vilnüsdə keçirilən sərbəst güləş üzrə Avropa çempionatı Azərbaycan yığmasının üzvlərinin parlaq qələbəsi ilə yadda qalacaqdır.


Elə yarışların ilk günü güləşçilərimiz üç mükafata sahib oldular. Əli İsayev 120 kq. çəki dərəcəsində qızıl zirvəni fəth etdi. "Zenit" İdman Cəmiyyətinin yetirməsi Cəbrayıl Həsənov (66 kq.) isə yalnız finalda uduzaraq "gümüş" medala layiq görüldü. Novruz Temrezov çempionatı bürünc medalla başa vurdu.

Martın 6-dan 8-nə qədər İranda keçirilmiş sərbəst güləş üzrə Dünya Kuboku yarışlarında Azərbaycan yığmasının qazandığı parlaq qələbədə "Zenit" İdman Cəmiyyətinin təmsilçisi Cəbrayıl Həsənovun da xidmətləri böyük olmuşdur.

Ali məktəblərin IX Respublika Universiadası martın 3-də Milli Aviasiya Akademiyasının idman zalında cüdoçuların yarışı ilə start götürmüşdür. Yeddi çəki dərəcəsində keçirilmiş yarışlara 15 ali məktəbdən 73 idmançı qatılmışdı. 60 kq. çəki dərəcəsində Dövlət Neft Akademiyasının (DNA) təmsilçisi Rahib Nəcəfquliyev bütün rəqiblərindən güclü olduğunu sübut etdi.