Təhsil müəssisələri arasında keçirilən X Respublika Universiadasında növbəti nəticələr qeydə alınmışdır.

Aprelin 12-dən 23-dək 2 saylı Bakı Baza Tibb Kollecinin idman zalında basketbolçu kişilər mübarizə aparmışlar. Birinci yeri Bədən Tərbiyəsi və İdman Akademiyasının təmsilçiləri tutsalar da, onların peşəkarlığı nəzərə alınaraq ikinci nəticə göstərmiş Bakı Dövlət Universitetinin yığması qalib elan edilmişdir.

Aprelin 16-da Bakı Dövlət Universiteti Tələbə Həmkarlar İttifaqı Komitəsi bədən tərbiyəsi və idman kafedrası ilə birgə ümummilli liderimiz Heydər Əliyevin anadan olmasının 88-ci ildönümünə həsr olunmuş fakültələrarası futbol çempionatının açılış mərasimini keçirib.
Bakı Dövlət Universitetinin rektoru, akademik Abel Məhərrəmov mərasimi giriş sözü ilə açaraq tədbirin əhəmiyyətindən danışıb. Qeyd edib ki, bu yarış tələbələrin asudə vaxtının səmərəli təşkili və onların sağlam həyat tərzi keçirmələri, eyni zamanda ulu öndərimizin ruhunda tərbiyyə edilmələri baxımından çox mühüm əhəmiyyət kəsb edir.

Xəbər verdiyimiz kimi, "Gənclik" Tələbə İdman Cəmiyyəti Respublika Şurasının təşkilatçılığı ilə təhsil müəssisələri arasında idmanın 10 növü üzrə (cüdo, basketbol, stolüstü tennis, şahmat, dama, həndbol, badmenton, voleybol, atletika, üzgüçülük) X Respublika Universiadası keçirilir.
Basketbolçular və stolüstü tennisçilərin ardınca mübarizəyə stolüstü oyun komandaları da qoşulmuşlar.

"Zenit" İdman Cəmiyyətinin yetirməsi Cəbrayıl Həsənov Azərbaycanın idman tarixinə daha bir şanlı səhifə yazmışdır.

O, martın 29-30-da Almaniyanın Dortmunt şəhərində keçirilən sərbəst güləş üzrə Avropa çempionatında 66 kq. çəkidə birinci yerə çıxmışdır. Bu, C.Həsənovun qitə birinciliyində dalbadal ikinci qızıl medalıdır. 2009-cu ildə isə Vətənə çempionatdan gümüş medalla qayıtmışdı. Çempionun məşqçisi əməkdar məşqçi, beynəlxalq dərəcəli idman ustası Aslan Ağayev deyir ki, 66 kq. çəki dərəcəsində hələ ki, Cəbrayıla rəqib yoxdur.

Martın 5-dən 7-dək "Sərhədçi" İdman Kompleksində yeniyetmələr arasında sərbəst güləş üzrə Azərbaycan birinciliyi keçirilib.

Təhsil müəssisələri arasında X Respublika Universiadası Milli Aviasiya Akademiyasının İdman Kompleksində start götürdü.

Martın 6-7-də cüdoçu tələbələr öz aralarında kimin daha güclü olduğunu sübut etməyə çalışdılar. Dörd çəki dərəcəsində Dövlət İqtisad Universitetinin idmançıları bütün rəqiblərindən üstün oldular. Qalan üç çəkidə isə fəxri kürsünün ən yüksək pilləsinə Milli Aviasiya Akademiyasının, Dövlət Pedaqoji, Tibb universitetlərinin cüdoçuları qalxdılar.

Ötən ayın 22-də və 23-də 1997-1998-ci il təvəllüdlü idmançılar arasında sərbəst güləş üzrə "Zenit" İdman Cəmiyyətinin birinciliyi keçirilmişdir.

Yarışlarda 15 çəki dərəcəsində 75 idmançı mübarizə aparmışdır.
Qadir Əliyev (26 kq.), Kənan Zülfüqarov (29 kq.), Samir Məmmədov (32 kq.), Şahin İsmayılov (35 kq.), Firudin Zülfüqarov (38 kq.), Ruslan Cəbrayılov (42 kq.), Səidi Mahmud (45 kq.), Nəbi Qurbanov (48 kq.), Emin Nəcəfov (52 kq.), Cəlal Rəhimov (56 kq.), Əhməd Əhmədzadə (60 kq.), Rəfayel Mərdanlı (70 kq.), Xəqan Arazlı (75 kq.), Böyükağa Hacızadə (80 kq.) və Fəxri Məcidli (+85 kq.) turnirin qalibləri adını öz aktivlərinə yazmışlar.

Müasir idmançılar insanın imkanları səviyyəsinin hüdudlarına o dərəcədə yaxınlaşıblar ki, dünya rekordları maksimum 2016-cı il Rio-de-Janeyro Yay Olimpiya Oyunlarında yekunlaşacaq.

Son 50 ildə qaçış və üzgüçülük üzrə beynəlxalq yarış təcrübəsindən yararlanan koreyalı alim Çxan Yu San belə qənaətə gəlib. Onun proqnozlarına əsasən, yeni dünya rekordları praktik olmayacaq: "Biz 2012-ci il London və 2016-cı il Rio-de-Janeyro olimpiadalarında hansısa yeni rekordların müəyyənləşdirilməsinin şahidi ola bilərik.

Sahə həmkarlar ittifaqları təşkilatlarının IV Respublika spartakiadasının final mərhələsi ümumi komanda hesabında Neft və Qaz Sənayesi İşçiləri Hİ-nin yığmasının qələbəsi ilə başa çatdı.

Bir çox idman növlərində rəqib tanımayan Təhsil İşçiləri Azad Həmkarlar İttifaqlarının təmsilçiləri ikinci oldular. III fəxri yerə isə Dəmiryolçuların Müstəqil Həmkarlar İttifaqının komandası sahib çıxdı.
Xatırladırıq ki, spartakiadanın builki final mərhələsində əvvəlki illərlə müqayisədə rekord sayda - 900 nəfərə qədər həvəskar idmançı iştirak edirdi. Mütəxəssislərin dediyinə görə, iştirakçıların peşəkarlıq səviyyəsi və fiziki hazırlığı da xeyli yüksəlmişdi.

Dekabrın 3-də ali məktəb tələbələri arasında futzal yarışı üzrə final oyunu keçirilmişdir. Məlumat üçün qeyd edək ki, Təhsil İşçiləri Azad Həmkarlar İttifaqı Respublikası Komitəsi tərəfindən təşkil olunan yarışın qarşısında bir çox məqsəd dururdu. Bunlardan başlıcası ali məktəblərdə futzalın inkişafı və tələbələrin idmana olan marağının artırılması idi.
Həmçinin ən yaxşı komanda aşkara çıxarıb onların bazasında yığma heyəti formalaşdırmaq nəzərdə tutulurdu. Təbii ki, yarışlar tələbələrin fiziki hazırlıqlarının artırılması, asudə vaxtlarını səmərəli keçirmələrində də az rol oynamayacaqdır.