Mərasimdə müsabiqənin loqosu və rəmzi açarı təqdim edilmiş, püşkatma mərasimi olmuşdur

Yanvarın 25-də Bakıdakı "Buta Palace"da "Eurovision-2012" mahnı müsabiqəsinə hazırlıqla bağlı ilk təntənəli mərasim keçirilmişdir.
Mərasim ölkəmizin "Eurovision-2011" mahnı müsabiqəsində möhtəşəm qələbəsini əks etdirən videoçarxın nümayişi ilə başlamışdır.
Bu möhtəşəm tədbirdə hökumət rəsmiləri, Milli Məclisin deputatları, Avropa Yayımları Birliyinin (EBU), diplomatik korpusun nümayəndələri, xarici qonaqlar, mədəniyyət və incəsənət xadimləri iştirak etmişlər.

bayraqlardan istifadə olundu

Portuqaliyada hökumətin tədbirlər planı etirazla qarşılanıb. Paytaxt Lissabonda keçirilən etiraz aksiyalarında minlərlə insan iştirak edib. Etirazlar zamanı sağçı qrupla solçu "indiqnatos" qrupu arasında toqquşmalar baş verib. Tərəflər bir-birilərinə bayraqlarla hücum ediblər. Polisin müdaxiləsilə toqquşmaların qarşısı alınıb. Etirazçılar daha sonra parlamentin binasına tərəf yürüş ediblər. Yürüşdə Beynəlxalq Valyuta Fondu, Avropa Mərkəzi Bankı və Avropa Komissiyası əleyhinə şüarlar səsləndirilib.

...və xanımı Mehriban Əliyeva yanvarın 12-də Bakı-Ələt avtomobil yolunun Dövlət Bayrağı Meydanına qədər olan hissəsinin tikintisi, yeni bulvarın salınması ilə bağlı görülən işlər, Dövlət Bayrağı Meydanı və onun ətrafında həyata keçirilən tədbirlərlə tanış olmuşlar.
Bakı-Ələt avtomobil yolunun Dövlət Bayrağı Meydanına qədər olan hissəsinin tikintisi layihəsinin icrası ilə bağlı görülən işlər barədə dövlətimizin başçısına məlumat verildi. Burada müasir standartlara cavab verən 8 zolaqdan ibarət yüksək səviyyəli yolun inşa olunduğu bildirildi. Piyadaların rahat gediş-gəlişini təmin etmək məqsədi ilə yol boyu piyada keçidləri də inşa olunacaqdır.
Dövlətimizin başçısına yeni salınan bulvarda aparılan işlər barədə də məlumat verildi.
Prezident İlham Əliyev və xanımı Mehriban Əliyeva Dövlət Bayrağı Meydanında və onun ətrafında həyata keçirilən abadlıq və quruculuq işləri ilə yaxından tanış oldular. Görülən işlər barədə Prezidentə məlumat verildi.
Dövlətimizin başçısı və xanımı ərazidə inşa olunan yeni İdman-Konsert Kompleksinin tikintisinə də baxdılar. İnşaat işləri ilə tanışlıqdan sonra Prezident İlham Əliyev həyata keçirilən tədbirlərlə bağlı icraçılara müvafiq tapşırıqlarını verdi.

* * *
Azərbaycan Respublikasının Prezidenti İlham Əliyev yanvarın 13-də Koreya Respublikası Milli Assambleyasının sədri Pak Hi Tenin başçılıq etdiyi nümayəndə heyətini qəbul etmişdir. Ölkə başçısı iqtisadi sahədə əməkdaşlığımızın yaxşı nəticələr verdiyini, ölkələrimiz arasında ticarət dövriyyəsinin sürətlə artdığını dedi. Son illər Koreya şirkətlərinin Azərbaycan üçün vacib olan layihələrdə iştirakından məmnunluğunu bildirən dövlətimizin başçısı bu əməkdaşlığın daha da genişləndirilməsində ölkəmizin maraqlı olduğunu diqqətə çatdırdı.

AHİK-də 20 Yanvar şəhidlərinin ailə üzvləri ilə görüş keçirilmişdir

1990-cı il yanvarın 20-də Azərbaycan xalqının tarixində ən şanlı səhifələrdən biri yazıldı. Təpədən dırnağadək silahlanmış sovet qoşunlarının qarşısına əliyalın çıxmış say-seçmə oğul və qızlarımız müstəqilliyimiz uğrunda öz həyatlarını qurban verdilər. Bu kobud zorakılıq Azərbaycan xalqını qorxutmaq, onun milli oyanışını, torpaq uğrunda inadkar dəyanətini, azadlıq mübarizəsini sındırmaq məqsədi daşıyan mənfur planın bir hissəsi idi. Lakin bu cür düşünənlər səhv etmişdilər. Tarix bunu göstərdi.

AHİK sədrinin müavini Aqil Dadaşovun məruzəsi

-Hörmətli Məclis iştirakçıları!
Xanımlar və cənablar!
Müzakirəyə çıxardığımız "Azərbaycan həmkarlar ittifaqları, kütləvi informasiya vasitələri və qarşıda duran vəzifələr" mövzusu müasir gerçəkliyimiz baxımından çox aktualdır.
Əvvəla qeyd edim ki, kütləvi informasiya vasitələri ilə işləmək sahəsində kifayət qədər təcrübəmiz və uğurlarımız var. Bu təcrübənin böyük bir hissəsi sovet dövrünə təsadüf edir. Sosializmin ideoloji buxovlarına baxmayaraq, ötən əsrin 70-ci illərində respublikamıza rəhbərlik edən ulu öndər Heydər Əliyev mətbuatımıza müəyyən məqamlarda azad söz demək imkanı yaratdı. Dilimizin, mədəniyyətimizin, elmimizin inkişafı, xalqın adət-ənənələrinin qorunması ilə bağlı müntəzəm yazılar dərc edildi. Hətta bəzi mətbuat orqanları müxalif ruhlu, əsl vətənpərvərlik hissləri ilə yoğrulmuş yazılar verirdi. Ulu öndər heç zaman mətbuatı qayğıdan kənarda qoymurdu. Fikir plüralizmini, doğru və ədalətli mövqeyi olan, peşəkar və obyektiv mətbuatı yüksək qiymətləndirirdi.