AHİK sədri, millət vəkili Səttar Mehbalıyev ölkəmizdə səfərdə olan İctimai Xidmət İnternasionalının (PSİ) Avropa üzrə nümayəndə heyətini qəbul etmişdir.
Nümayəndə heyətinin səfəri AHİK-in üzv təşkilatları ilə tanışlıq və onlarla əməkdaşlıq imkanlarını araşdırmaq məqsədi daşıyır.

Mübariz Əhmədoğlu:
"Hakimiyyətin namizədi "danışmaq
əvəzinə əməli iş" texnologiyasından
istifadə edir ki, bu da öz səmərəsini verib"

Oktyabrın 15-də keçiriləcək prezident seçkilərinə iki həftədən də az vaxt qalır. Hazırda prezidentliyə namizədlərin təbliğat-təşviqat kampaniyasının ən fəal dövrüdür. Namizədlər ayrılmış efir vaxtından və seçicilərlə birbaşa görüşlərdən istifadə etməklə öz platformalarını açıqlayırlar. Bu, seçki prosesinin qiymətləndirilməsi baxımından normal olsa da, siyasi müşahidəçilər 2008-ci ilin prezident seçkilərinin əvvəlkilərdən özəlliklələri ilə fərqləndiyini iddia edirlər.

İnsana qocalanda qayğı göstər

Buna çoxları ehtiyac duyur

Birləşmiş Millətlər Təşkilatı Baş Assambleyası 1982-ci ildə ahılların sosial müdafiəsi ilə bağlı Qətnamə qəbul etmişdir.
Sözügedən sənədin prinsiplərinə uyğun olaraq hər il oktyabr ayının 1-də respublikamızın şəhər və rayonlarında Beynəlxalq Ahıllar Günü (70 yaşından yuxarı insanlar ahıl sayılır) geniş qeyd olunur. Məqsəd də ahıl vətəndaşların sosial problemləri ilə yaxından tanış olmaq, bilavasitə onlarla sıx ünsiyyət yaratmaq, ehtiyaclarını müəyyənləşdirmək və onların həllində imkanlı müəssisələr, kollektivlər, qeyri-hökumət təşkilatları ilə birlikdə əməli tədbirlər görməkdən ibarətdir. Onu da deyək ki, 2006-cı ilin 1 yanvar tarixinə olan məlumata görə, ölkədə 350,3 min ahıl yaşda olan əhali var.

Faiq Qurbanov: "Azərbaycanda aparılan hüquqi islahatları davam etdirmək üçün siyasi iradə var"

Son illər respublikamızda insan hüquqlarının müdafiəsi baxımından xeyli işlər görülüb. Bu sahəyə aid qanunvericilik bazasının təkmilləşdirilməsi ilə yanaşı, beynəlxalq təşkilatlarla da əməkdaşlıq genişləndirilib. Respublikamızda insan hüquqlarının qorunması təmini sahəsində görülən tədbirlərə Ədliyyə Nazirliyi İnsan Hüquqları və İctimaiyyətlə Əlaqələr İdarəsinin rəisi, baş ədliyyə müşaviri Faiq Qurbanovla söhbətimizdə aydınlıq gətirməyə çalışdıq.

- İşəgötürənin təşəbbüsü ilə başqa işə keçirmə hansı hallarda ola bilər?
Pəri QULİYEVA,
Bakı şəhəri.

- Əmək Məcəlləsinin 60-cı maddəsinə əsasən:
İşçi onun razılığı olmadan istehsalat zəruriyyəti və boşdayanma hallarının qarşısını almaq məqsədi ilə bir ay müddətinə müvəqqəti olaraq başqa işə keçirilə bilər. Bu halda işçi onun səhhətinə mənfi təsir edən, habelə aşağı ixtisaslı işə keçirilə bilməz. Başqa işə keçirilmə müddətində işçinin əməkhaqqı görülən işin müqabilində, lakin əvvəlki orta aylıq əməkhaqqından aşağı olmamaqla ödənilir.

Sərt qərara sərt cavab

Beynəlxalq Nəqliyyat Işçiləri Federasiyası (BNİF) Yunanıstan hökumətini tətilə başlamaqla hədələyir. Onların bu bəyanatı Yunanıstan hökumətinin milli aviaşirkəti olan "Olimpik Hava Yolları"nı bağlamaq qərarına cavabdır. Belə ki, bu aviaşirkətin bağlanması nəticəsində təxminən 8 min işçi ixtisara düşə bilər. BNİF təşkilatı və onun Avropadakı nümayəndəsi-Avropa Nəqliyyat İşçiləri Federasiyası artıq Yunanıstanın Nəqliyyat nazirinə bu barədə öz narazılığını bildirmişdir. Onların bildirdiyinə görə, aviaşirkətin bağlanması və onun özəlləşdirilməsi Avropa qanunlarına ziddir.

Maliyyə Nazirliyi "2009-cu ilin dövlət büdcəsi haqqında" qanun layihəsini hökumətə təqdim edib və Nazirlər Kabineti gələn ilin sosial-iqtisadi inkişaf göstəricilərini və ölkənin ali maliyyə sənədinin makroiqtisadi parametrlərini nəzərdən keçirdikdən sonra təsdiq edib. Yeni büdcə paketindəki makroiqtisadi proqnozlar gələn il ilk növbədə maliyyə sabitliyinin möhkəmlənməsini və inkişafın sürətlənməsini özündə ehtiva edir. Maliyyə Nazirliynin proqnozlarına görə, 2009-cu ildə ümumi daxili məhsulun həcmi 43,6 milyard manat təşkil edəcək. Bu, 2008-ci illə müqayisədə 18 faiz artım deməkdir. Gələn ilin büdcə paketinin həcmi isə bu illə müqayisədə 16,1 faiz artaraq 12 milyard 177 milyon manat təşkil edəcək. İcmal büdcənin gəlirləri isə 22 milyard 680 milyon manata bərabər olacaq.

Namiq Həsənov: "Sahibkarlar 80 min avro verib iritutumlu avtobuslar almalıdırlar"


Sentyabrın 24-dən başlayaraq Bakı şəhərindəki sərnişindaşıma nəqliyyatında yaranan problem hələ aradan qalxmayıb. Paytaxtın mərkəzindəki küçə və prospektlərdə hərəkət edən aztutumlu mikroavtobusların hərəkətinə Nəqliyyat Nazirliyinin Dövlət Avtonəqliyyat Xidməti tərəfindən qadağa qoyulduğundan sərinişindaşımada çətinliklər ortaya çıxıb. Səbəb isə şəhərin mərkəzində, əhalinin və nəqliyyatın hərəkətinin sıx olduğu yerlərdə 14 yerlik mikroavtobusların iritutumlu avtobuslarla əvəzlənməsi barədə Nəqliyyat Nazirliyinin qərarına sərnişindaşıma ilə məşğul olan şirkətlərin əməl etməməsidir.

Dünya ölkələrində poçt şöbələrinin cəlb etdikləri
depozitlərin həcmi banklardan dəfələrlə artıqdır

2010-cu ildən "Azərpoçt" Dövlət Müəssisəsinin şöbələri bank xidməti göstərəcək. Bununla əlaqədar olaraq Milli Məclis "Poçt rabitəsi haqqında" Qanuna dəyişikliklər edəcək. "Azərpoçt"un rəhbəri Novruz Məmmədovun sözlərinə görə, poçt şöbələrinin maliyyə-bank sektorunun mövcud elektron sisteminə birləşdirilməsi ölkə rəhbərliyi tərəfindən məqsədəuyğun hesab edilib. Dünyada poçt şöbələrinin bank xidmətləri göstərməsi ilə bağlı təcrübə mövcuddur. Çünki bankların filialları əsasən şəhərlərdə olur. Nəticədə kənd yerlərində yaşayan insanlar maliyyə-bank xidmətlərindən istifadə edə bilmirlər.

Sentyabrın 21-22-də Moskva şəhərində Elm və Təhsil İşçiləri Beynəlxalq Həmkarlar İttifaqı Birliyinin növbəti IV qurultayı keçirilmişdir. MDB-nin 9 dövlətindən seçilmiş nümayəndələrin iştirak etdiyi qurultayda Birliyin sədri R. A. Papilovun hesabat məruzəsi dinlənilmişdir.

Sentyabrın 19-dan 21-dək Sverdlovsk vilayətinin Yekaterinburq şəhərində "Layiqli əmək uğrunda" ümumdünya hərəkətinə həsr olunmuş seminar keçirilmişdir.

Sentyabrın 19-da Dövlət Neft Şirkətinin "Neftqaztikinti" trestinin Zığda inşa olunmuş idman kompleksində neftçilərin peşə bayramı təntənə ilə qeyd olundu. Tədbir başlamazdan əvvəl trestin həmkarlar ittifaqı komitəsinin sədri Elşad Cəbrayılovdan müsahibə götürdüm. Müsahibim yenicə cərrahiyyə əməliyyatından çıxmasına, hələ də ağrılarının getməməsinə baxmayaraq, yüksək əhvali-ruhiyyədə idi. Bu əhvali-ruhiyyə söhbətində də özünü büruzə verirdi. "Bura toplaşan insanların hər birinin qürrələnməyə, ən azı xoş sözlər eşitməyə haqqı var. Çünki Azərbaycanın iqtisadi, sosial cəhətdən dirçəlməsində, dünyanın ən qabaqcıl ölkələri sırasında öz yerini tutmaq iddiasına düşməsində onların xidmətləri müqayisəedilməzdir".

Sentyabrın 25-də Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Mehbalıyev Beynəlxalq Əmək Təşkilatının Şərqi Avropa və Mərkəzi Asiya üzrə Subregional Bürosunun direktoru xanım Eleyn Fultzla görüşmüşdür.

sentyabrın 22-də
…Prezident Sarayında XIII Pekin Paralimpiya Oyunlarında ölkəmizi təmsil edən idmançıları və onların məşqçilərini qəbul etmişdir.

Sentyabrın 23-də Azərbaycan Respublikasının Nazirlər Kabineti "İş və istirahət günlərinin yerinin dəyişdirilməsi haqqında" Qərar qəbul etmişdir.

Sərgi bir həftə müddətində TÜRKSOY-un binasında nümayiş etdiriləcək

Milli musiqi günü ilə bağlı olaraq Türkiyənin paytaxtı Ankarada TÜRKSOY-un Baş direktorluğunun binasında dahi Azərbaycan bəstəkarı Üzeyir Hacıbəyov və onun şah əsəri "Leyli və Məcnun" operasının 100-cü ildönümü üçün hazırlanan fotosərginin açılışı olub.

Ötən il ərzində 1396 avtoxuliqanın aşkarlanması bu işə həvəslilərin heç də az olmadığını göstərir. Bəs gəncləri avtoxuliqanlıq etməyə sövq edən nədir? Bu vərdişə həvəs haradan başlayır?
Müasir dövrdə cəmiyyətdə yer tutmaq üçün kompyuter biliklərinin olması vacibdir. Əgər kompyuteri əla bilsən, nə qədər çox proqramlarda işləməyi bacarsan bir o qədər də işin asan olar. Amma nədənsə müasir gənclər proqramlar öyrənmək əvəzinə, kompyuterdən daha çox əyləncə vasitəsi kimi istifadə edirlər. Bunlardan biri də oyunlardır.

Vüqar Bayramov:
"Bu həm vətəndaşların inamını artırar, həm də yığım prosesınə təkan verər"

Bu günlərdə vergi orqanlarına borcu olan qurumların adı açıqlandı. Kommunal sahədə fəaliyyət göstərən təsərrüfatların borcu 2,7-2,8 milyard manata yaxındır ki, onların əksəriyyəti debitor borclarıdır. Vergi borcu olan dövlət orqanları siyahısına isə "Azəriqaz", "Azərenerji" səhmdar cəmiyyətləri başçılıq edir. Həmin qurumlar hesab edirlər ki, buna istehlakçı qrupların ödənişləri vaxtlı-vaxtında həyata keçirməmələri səbəb olur. Maraqlıdır, ildən-ilə yığılıb qalan bu borcların taleyi necə olacaq?

Arif Qaraşov:
"Dünya Bankının ekspertlərinin verdiyi rəydən asılı olaraq həmin tikililərin müqəddəratının həlli barədə hökumət qarşısında məsələ qaldırılacaq"

Paytaxtdakı binalarda mənzillərin qiymətinin bahalaşmasından sonra əhalinin böyük bir hissəsi torpaq alaraq ev tikməyə üstünlük verib. Vətəndaşların əksəriyyəti isə bələdiyyələrdən torpaq ayrılması üçün sərəncam əldə etdikdən sonra tikinti işlərinə başlayır. Bu yolla inşa edilən evlərə sənəd almaq problemə çevrilir. Bu problemin aradan qaldırılmasından ötrü Daşınmaz Əmlakın Dövlət Reyestri Xidməti Dünya Bankı ilə birlikdə layihəni hazırlayıb. Artıq layihənin icrasına başlanıb. Layihə və sözügedən sahədə mövcud durum barədə Xidmətin rəisi Arif Qaraşovla söhbətimizdə aydınlıq gətirməyə çalışdıq.

- Ərin nikahın pozulmasını tələb etmək hüququ məhdudlaşdırıla bilərmi?

Sənubər İSAYEVA,
Bakı şəhəri.

- Azərbaycan Respublikasının Ailə Məcəlləsinin 15-ci maddəsinə əsasən, arvadın hamiləliyi dövründə və ya uşağın doğulmasından sonra bir il müddətində arvadın razılığı olmadan ər nikaha xitam verilməsi barədə iddia qaldıra bilməz, bu dövrdə ərin nikahın pozulmasını tələb etmək hüququ məhdudlaşdırılır.