Dünən Azərbaycan Həmkarlar İttifaqları Konfederasiyasının İcraiyyə Komitəsinin iclası keçirilmişdir.

İclasın gündəliyində IV Məclisin çağırılması və "Əməkçilərin mənzil hüquqlarının qorunması, ölkədə evsizliyin qarşısının alınması işində Azərbaycan həmkarlar ittifaqlarının iştirakı barədə" qərarın yerinə yetirilməsi haqqında məlumat" məsələləri dururdu.
Lakin son günlər baş verən hadisələr gündəlikdə dəyişikliyə səbəb oldu. Tədbiri açan AHİK sədri, millət vəkili Səttar Mehbalıyev sözünə birbaşa Fransa parlamentinin aşağı palatasının erməni “soyqırımı”nı inkara görə cinayət məsuliyyətini nəzərdə tutan qərarına etirazla başladı. Bu ən azı fransız xalqının söz, fikir, sərbəst düşünmək azadlığına zərbədir dedi. Fransız xalqını bir qrup siyasət adamı özlərinin şəxsi karyerasının, iddialarının əsirinə çevirdi.

Möhtərəm cənab Prezident!

Biz, Azərbaycan Həmkarlar İttifaqları Konfederasiyası Sizi 50 illik yubileyiniz münasibətilə səmimi-qəlbdən təbrik edir, xoşbəxtlik, cansağlığı, səadət və ölkəmizin rifahı naminə apardığınız çətin və şərəfli işinizdə uğurlar arzulayırıq.

Cənab Prezident!

Respublikamıza rəhbərlik etdiyiniz müddətdə Azərbaycan özünün ən yüksək inkişaf mərhələsinə çatmışdır. Sizin rəhbərliyiniz altında ardıcıl və sistemli şəkildə həyata keçirilən çoxşaxəli islahatlar, cəmiyyətin bütün sahələrində kardinal dəyişikliklərə səbəb olmaqla, hər bir ölkə vətəndaşının taleyində müstəsna rol oynamış, ictimai şüurun daha da demokratikləşməsinə gətirib çıxarmışdır.

Hadı Rəcəbli: "Valideynlər ailə quran gənclərə qarşı diqqətli olmalı, onların mübahisələrini həll etməyə çalışmalıdırlar"

Respublikamızda son illər boşanmaların sayı artmaqdadır. Milli Məclisin Sosial Siyasət Komitəsinin sədri Hadı Rəcəbli hesab edir ki, boşanmaların səbəblərindən biri ailədəki emosional gərginlik, söz-söhbət, dedi-qodudur: "Əvvəllər ailə yalnız xəyanətə görə dağılardı. Hətta qadın sonsuz olsa belə, kişi arvadını boşamadan, yaxınlarından birinin uşağını övladlığa götürməklə problemi həll edirdi. Bəzən gəlin-qayınana, gəlin-baldız, gəlin-elti arasındakı söz-söhbətlər boşanmaya gətirib çıxarır. Ona görə də ətraf, qohum-əqraba ailənin işinə qarışmağa meyil etməkdən çəkinməlidir.

Uzun sürən qalmaqallardan sonra, nəhayət ki, Mogilyov vilayətində fəaliyyət göstərən tikinti kombinatının işçiləri istəklərinə nail olublar.

Sözügedən müəssisədə iş şəraiti bərbad vəziyyətdə olduğundan işçilər dəfələrlə rəhbərliyə öz etirazlarını bildirmişdilər. Lakin bir nəticə əldə olunmamışdı. Tətil keçirmək qərarı kombinat rəhbərliyini hərəkətə gətirib. Artıq kombinatın kommunal xidmət otaqlarının isti, soyuq su ilə tam təminatı bərpa olunub, işçilərə xüsusi iş geyimi paylanılıb, yeməkxanada isə təmir işlərinə başlanıb.

İqtisadi Tədqiqatlar Mərkəzi hökumətə yeni ssenarilər təklif edir

Əhalinin sovet dövründən qalmış əmanətlərinin qaytarılması üçün Milli Məclisdə yaradılmış işçi qrup fəaliyyətini artırıb və bir sıra yeni təklifləri nəzərdən keçirir. Parlamentin İqtisadi Siyasət Komitəsinin üzvü Vahid Əhmədovun fikrincə, səmərəli təkliflər daxil olsa komitə onların bir çoxunu nəzərə ala bilər. Artıq müxtəlif iqtisadi qurumların da nümayəndələri, hökumət əmanətlərin qaytarılması mexanizmlərinin yollarına dair təkliflər hazırlayıb. İqtisadi Tədqiqatlar Mərkəzinin əmanətlərin qaytarılması ilə bağlı təklifləri bir sıra yeniliklərlə diqqəti cəlb edir.

Hökumət bu sahədə hazırlıq işlərinə başlayıb

Hökumət gələn ildən başlayaraq özəl pensiya fondlarının yaradılması ilə bağlı təşkilati-hüquqi işlərə başlamaq niyyətindədir. Bu məqsədlə "2012-2013-cü illərdə qeyri-dövlət pensiya fondlarının yaradılması və fəaliyyətinin tənzimlənməsi" üzrə normativ-hüquqi bazanın yaradılması planlaşdırılır.
Bundan əlavə, dövlət orqanları ilə birgə belə fondların sərəncamında olan vəsaitlərin yerləşdirilməsinə nəzarət mexanizmini hazırlamaq nəzərdə tutulur. İlkin mərhələdə pensiya fondlarının maliyyə əsasları formalaşdırılacaq, sonrakı mərhələdə isə qeyri-dövlət pensiyasının təyinatı, maliyyələşdirilməsi və ödənilməsi mexanizmləri qüvvəyə minəcək.

"Sürüşmə zonasında ev tikərkən müəyyən təhlükəsizlik tədbirlərinə əməl edilməlidir"

Ekologiya və Təbii Sərvətlər Nazirliyinin (ETSN) Kompleks Hidrogeologiya və Mühəndis Geologiyası Ekspedisiyası Bakı şəhərinin sürüşməyə meyilli ərazilərinin adını açıqlayıb. Kütləvi informasiya vasitələrinə verilən məlumata görə, həmin ərazilər Əhmədli, Qaraçuxur, Zığ, Günəşli-Əhmədli arası sahə, Nərimanov heykəlinin ətrafındakı park sahəsi və Bayıldır.

Metronun "Əzizbəyov" stansiyası yeni ilə qədər istifadəyə veriləcək.

Bakı Metropoliteninin mətbuat xidmətinin rəhbəri Nəzakət Tarverdiyevadan aldığımız məlumata əsasən, təmir-yenidənqurma işlərinin yeni ilə kimi yekunlaşdırılması məqsədi ilə işçilər gücləndirilmiş rejimdə çalışırlar: "Əvvəlki giriş-çıxış meydançasının binasının vestibülü avtomobil yolundan bir qədər uzaqlaşdırılıb. Giriş-çıxışın üzəri xüsusi metal konstruksiya ilə ucaldılacaq. Zirvəsi 18 metr hündürlükdə olan konstruksiyanın skeletinin metal hissəsi tamamilə yığılıb. Bir neçə günədək istiqamətləndiricilərin, şüşə örtüyün, arakəsmələrin quraşdırılması işləri də başa çatacaq. Artıq mərmər örtüyün qoyulması və izolyasiya işləri də yekunlaşdırılmaq üzrədir.